გერსამია ილარიონ ეგნატეს ძე (1843, ლეჩხუმის მაზრა 01.08.1888) _ მღვდელი.

დაიბადა მღვდლის ოჯახში. სწავლობდა ქუთაისის სასულიერო სასწავლებელში, რომლის დასრულების შემდეგ, იმერეთის საეპარქიო კანცელარიაში საქმის მწარმოებლად მუშაობდა. წლების განმავლობაში წიგნის მკითხველად და დიაკვნად მსახურობდა.

1867 წელს იმერეთის ეპისკოპოსმა გაბრიელმა (ქიქოძე) მღვდლად დაასხა ხელი და სვანეთში, მესტიის წმ. გიორგის სახელობის ეკლესიაში განამწესა. 1874 წელს ლაილაშის წმ. გიორგის სახელობის ეკლესიაში გადაიყვანეს. 1876 წელს ლაილაშის ოლქის მთავარხუცესად დაინიშნა. 1880 წლის 6 მაისს კამილავკა ეწყალობა. 1886 წელს სამკერდე ოქროს ჯვარი უბოძეს. 1888 წლის 7 მარტს ქუთაისის წმ. ალექსანდრე ნეველის სახელობის საკათედრო ტაძრის მღვდელმსახურად დაინიშნა. ამავე წლის აღდგომას ეკლესიაში ერთგული და ნაყოფიერი მოღვაწეობისათვის წმ. ანას III ხარისხის ორდენით დაჯილდოვდა. 1888 წლის 31 ივლისს მღვდელი ილარიონი თავის სახლში ავაზაკებმა სასიკვდილოთ დაჭრეს. მეუღლე ქსენია ჩაჩხიანი. მისი ვაჟი იყო - ეპისკოპოსი ალექსი.

გიორგი მაჩურიშვილი

ორგანიზაციის, ასოციაციის ან ჯგუფის წევრი

ქართველთა შორის წერა-კითხვის გამავრცელებელი საზოგადოება, საზოგადოების ნამდვილი წევრი (1886-)