1894 წელს ეგზარქოსმა ვლადიმერმა (ბოგოიავლენსკი) დიაკვნად აკურთხა, ამავე წელს გორის ეპისკოპოსმა ალექსანდრემ (ოქროპირიძე) მღვდლად დაასხა ხელი და ქვეშის წმინდა ნიკოლოზის სახელობის ტაძარში დანიშნა.
1899 წელს ხორხელის წმინდა გიორგის სახელობის ტაძარში დაადგინეს და ამავე წელს იყალთოს ფერისცვალების სახელობის ტაძარში გადაიყვანეს.
1902 წელს საგვერდულით დაჯილდოვდა.
1912 წლიდან მამა ვასილი გახლდათ "ქართველთა შორის წერა-კითხვის გამავრცელებელი საზოგადოების" თელავის განყოფილების წევრი და აქტიურად იყო ჩაბმული საზოგადოების საქმიანობაში.
1913 წელს სკუფია უბოძეს.
1915 წელს იყალთოს წმინდა იოანე ნათლისმცემლის სახელობის ტაძარში დაინიშნა.
მე-20 საუკუნის 20-იანი წლების დასაწყისში დეკანოზის წოდება მიენიჭა.
1925 წელს კონდოლის წმინდა თომა მოციქულის სახელობის ტაძარში გადაიყვანეს. მიუხედავად ხელისუფლების ზეწოლისა, ანაფორა არ გაუხდია და ღვთისმსახურება არ შეუწყვეტია.
მე-20 საუკუნის 30-იან წლების ბოლოს თბილისში გადმოვიდა.
1944 წლიდან სიონის ღვთისმშობლის მიძინების საკათედრო ტაძრის უშტატო მღვდელმსახურად ირიცხებოდა.
დეკანოზს ჰყავდა მეუღლე ნინო გრიგოლის ასული და შვილები: იროდიონი და გრიგოლი.
დეკანოზი ვასილი, სავარაუდოთ მე 20 საუკუნის 50-იანი წლების დასაწყისში გარდაიცვალა
ორგანიზაციის, ასოციაციის ან ჯგუფის წევრი
- ქართველთა შორის წერა-კითხვის გამავრცელებელი საზოგადოება, საზოგადოების თელავის განყოფილების წევრი (1912-)
საკონტაქტო ინფორმაცია
- სახლი
მისამართი: სოფ. იყალთო, თელავის მაზრა 1912 წლის 5 მარტს ქართველთა შორის წერა-კითხვის გამავრცელებელი საზოგადოების მთავარგამგეობას თელავის განყოფილების გამგეობამ გაუგზავნა 1911 წლის ნამდვილ წევრთა სია. განყოფილების წევრები იყვნენ: მღვდელი თომა იოსების ძე ასათიანი, დეკანოზი იოანე შიუკაშვილი, ნინო დავითის ასული ვახვახიშვილისა, თამარა ალექსანდრეს ასული აბაშიძისა, დიმიტრი ივანეს ძე მაყაშვილი, მღვდელი იოანე ეგნატეს ძე მრევლიშვილი და მღვდელი ვასილ კანანაძე.
1913 წლის პირველ იანვარს ქქართველთა შორის წერა-კითხვის გამავრცელებელი საზოგადოების მთავარგამგეობას თელავის განყოფილების გამგეობამ გაუგზავნა საზოგადოების წევრთა სია. დოკუმენტის მიხედვით განყოფილების წევრები იყვნენ: ნიკოლოზ ივანეს ძე მარკოზაშვილი, დავით მარკოზის ძე აბაშიძე, მიხეილ გიორგის ძე კულულაშვილი და მღვდელი ვასილ კანანაძე.
