ზურაბ ვლადიმერის ძე თევზაძე დაიბადა 1953 წლის 21 ივნისს ქ. თბილისში. 1970 წელს დაამთავრა თბილისის მე-8 საშუალო სკოლა და ჩაირიცხა ფიზიკური კულტურის ინსტიტუტში. სწავლის პერიოდში იგი თამაშობდა საფეხბურთო გუნდ „დინამოს“ დუბლიორთა ნაკრებში.
1976 წელს ზურაბ თევზაძე გაიწვიეს სავალდებულო სამხედრო სამსახურში, მსახურობდა გერმანიის დემოკრატიულ რესპუბლიკაში. იქიდან დაბრუნების შემდეგ ჩაირიცხა თბილისის სახელმწიფო უნივერსიტეტის ეკონომიკის ფაკულტეტზე, რომელიც დაამთავრა 1985 წელს. მუშაობდა თბილისის სპორტვაჭრობაში გენერალურ დირექტორად.
ზურაბ თევზაძე აფხაზეთში საომარი მოქმედებების დაწყებისთანავე , 1992 წლის აგვისტოდან ჩაება სამშობლოს ტერიტორიული მთლიანობისათვის ბრძოლაში. 1993 წლის 20 ივლისს სოფელ კინდღთან ერთ-ერთი საბრძოლო ოპერაციის შესრულებისას 40 წლის ასაკში გმირულად დაიღუპა.
მას დარჩა მეუღლე და ორი შვილი.
