სოფელ ქვემო სურები მაცხოვრის ეკლესია.
აიგო 1855 წელს, ტაძარი ქვის. სამრეკლო ხის.
შტატის მღვდელი ილარიონ ანდრიას ძე თევზაძე. (ყავდა მეუღლე და ოთხი შვილი)
დაამთავრა ქალაქ ქუთაისის სასულიერო სასწავლებელი.
1888 წელს ხელი დასხეს სოფელ ქვემო—სურების მაცხოვრის ეკლესიის დიაკვნად, შემდეგ მღვდლად. მუშაობდა ეკლესიასთან არსებულ სოფლის სასულიერო სასწავლებელში მასწავლებლად.
1889 წელს დააჯილდოვეს საგვერდულით.
1903 წელს სკუფიით.
მინიჭებული ჰქონდა მღვდლის სიგელი.
მედავითნე ათანასე ოქროპირის ძე ახალაძე. დაიბადა 1855 წელს.
წერა-კითხვა შეისწავლა სახლში, სწავლა განაგრძო იოანე ნათლისმცემლის მონასტერში. მიენიჭა მედავითნის წოდება. დაინიშნა სოფელ ქვემო სურების ეკლესიაში შტატის მედავითნედ.
წყარო: ჩოხატაურის ტაძრები და ღვთიმსახურები 1800-ანი წლებიდან. ავტორი ნათია კალანდაძე
