ირაკლი თოიძე (1902-1985)
ბიოგრაფია
დაამთავრა თბილისის სამხატვრო აკადემია.
პედაგოგიურ მოღვაწეობას ეწეოდა მ. თოიძის მიერ დაარსებულ სამხატვრო სტუდიასა და თბილისის სამხატვრო აკადემიაში; თანამშრომლობდა გაზეთებში. 1931 წლიდან ცხოვრობდა მოსკოვში. მუშაობდა ილუსტრაციის დარგში, დაასურათა ვეფხისტყაოსანი, "საქართველოს ისტორია"; შექმნა ქართველ კულტურის მოღვაწეთა პორეტების სერია. ქართული პლაკატის ერთ–ერთი ფუძემდებელია, განსაკუთრებული პოპულარობა მოიპოვა პლაკატმა "დედასამშობლო გვიხმობს" (1941). თოიძის ნამუშევრების დიდი კოლექცია თავმოყრილია მამის – მოსე თოიძის სახლ–მუზეუმში.
წყარო: თბილისი – ენციკლოპედია. – თბ., 2002 – გვ.548; მამულიშვილთა სავანე. - თბ., 1994. - გვ.175
ორგანიზაციის, ასოციაციის ან ჯგუფის წევრი
- "სარმი", თავმჯდომარე
- რუსეთის მხატვართა ასოციაცია, წევრი
ჯილდოები, პრემიები და პრიზები
- 1982 - თბილისის საპატიო მოქალაქე
- 1980 - საქართველოს სახალხო მხატვარი
- 1970 - საქართველოს ხელოვნების დამსახურებული მოღვაწე
- 1951 - რუსეთის ხელოვნების დამსახურებული მოღვაწე
- შრომის წითელი დროშის ორდენი
- სსრკ სახელმწიფო პრემია