ევგენია ბარბაქაძე-ჯაფარიძე (2 დეკემბერი 1905-1966) მსახიობი.
დაბადების ადგილი: ქ. ხაშური.
დაამთავრა თეატრალური სტუდია თბილისში.
1928 წელს რეჟისორმა ალექსანდრე თაყაიშვილმა მიიწვია მის მიერ დაარსებულ ქართულ მოზარდ მაყურებელთა თეატრში; იყო ამ თეატრის წამყვანი მსახიობი და ერთ-ერთი დამაარსებელი; მას ასევე დიდი ამაგი მიუძღვის თოჯინების თეატრის შექმნასა და ჩამოყალიბებაში; 1936-1941წწ. რუსთაველის თეატრის მსახიობია; 1927 წლიდან პერიოდულად გამოდიოდა რადიოში; სამამულო ომის წლებში, დიდი წვლილი შეიტანა, როგორც მხატვრული სიტყვის ოსტატმა მტერზე გამარჯვების საქმეში; სისტემატურად გამოდიოდა მობილიზებულთა გასაწვევ პუნქტებში, ჰოსპიტლებსა და სამხედრო ნაწილებში, ამაღლებდა მათში ვაჟკაცურ სულისკვეთებას.
