ნინა გლობენკო-თურმანიძე ( 10 სექტემბერი 1901) მსახიობი.

დაბადების ადგილი: ქ. თბილისი.

შემოქმედებითი მოღვაწეობა 1927 წელს დაიწყო თბილისის ახლად დაარსებულ მოზარდ მაყურებელთა რუსულ თატრში. ის სამართლიანად ითვლება ამ თეატრის ერთ-ერთ დამაარსებლად ნ. მარშაკთან ერთად. 30 წელზე მეტი მოღვაწებოდა ამ თეატრში და შექმნა მრავალი საინტერესო სახე, მათ შორის აღსანიშნავია: ელიზა, ლუსი (ა. ბრუნშტეინის "ბიძია თომას ქოხი"), ირინა პანტელეიმონოვნა (ნ. გოგოლის "ქორწინება"), ლიდია დიმიტრიევნა (ა. ბრუნშტეინის "ცისფერი და ვარდისფერი"), არინა, აგრაფინა (ა. ოსტროვსკის "სიღარიბე საძრახისი არ არის", "შინაურები ვართ, მოვრიგდებით"), დედინაცვალი, ყვავი (ე. შვარცის "თხუპნია", "თოვლის დედოფალი"), მარინე (გ. ნახუცრიშვილის "ნაცარქექია") და სხვა.

გთხოვთ,თუ ვინმეს მეტი ინფორმაცია გაქვთ ამ პიროვნების შესახებ,მოგვაწოდოთ.