დაბადების ადგილი: ქ. ბათუმი.

დაამთავრა თბილისის სახელმწიფო პოლიტექნიკური ინსტიტუტის აგრონომიული ფაკულტეტი 1925 წელს.

1930-1942წწ. სუბტროპიკული კულტურების საკავშირო სამეცნიერო-კვლევითი ინსტიტუტისა და საქართველოს სასოფლო-სამეურნეო ინსტიტუტის დოცენტი იყო; 1936 წლიდან სხვადასხვა დროს თბილისის სახელმწიფო უნივერსიტეტის ნიადაგთმცოდნეობის, ხოლო შემდეგ ჰიდროლოგია-კლიმატოლოგიის და ნიადაგთმცოდნეობის კათედრის გამგე და პროფესორი; 1945-1958წწ. საქართველოს მეცნიერებათა აკადემიის ნიადაგთმცოდნეობის, აგროქიმიის და მელიორაციის ინსტიტუტის დირექტორის თანამდებობა ეკავა. შეისწავლა საქართველოს ნიადაგების გენეზისი, შედგენილობა-თვისებები, გავრცელება, კლასიფიკაცია, აგროსაწარმოო მაჩვენებლების თეორიული და პრაქტიკული საკითხები. მის მიერ და მისი ხელმძღვანელობით შედგენილია სხვადასხვა მასშტაბიანი ნიადაგური რუკები და სხვა. სამეცნიერო-კვლევით მოღვაწეობასთან ერთად, განუწყვეტლივ ეწეოდა პედაგოგიურ მუშაობას. მისი შრომები ფართოდ იყო გამოყენებული საბჭოთა მეურნეობებისა და კოლმეურნეობების, საირიგაციო და სამელიორაციო მშენებლობების დაპროექტების, სასოფლო-სამეურნეო კულტურებისათვის ახალი ფართობების ათვისებისა და გაუმჯობესების საქმეში. 

წყარო:ქართული საბჭოთა ენციკლოპედია, ტ. 8. -თბ., 1984. -გვ. 547

• საქართველოს სსრ მეცნიერებათა აკადემია, აკადემიკოსი (1955-1979)

• საპატიო ნიშნის ორდენი
• წითელი დროშის ორდენი
• ლენინის ორდენი

• საქართველოს სსრ ნიადაგები : მონოგრაფია (ავტორი). - თბილისი, მეცნიერება, 1965. - 552გვ.
• ზოგადი მიწათმოქმედება ნიადაგმცოდნეობითა და აგროქიმიით : სახელმძღვ. სას-სამ. ტექნიკუმებისათვის (თანაავტორი). - თბილისი, ცოდნა, 1960. - 590გვ.
• ნიადაგმცოდნეობა : სახელმძღვანელო უმაღლესი სასწავლებლებისათვის (ავტორი). - თბილისი, თბილისის სახელმწ. უნ-ტის გამ-ბა , 1952. - 373გვ.
• საქართველოს ს. ს. რესპუბლიკის ტენიანი სუბტროპიკული ზონის ნიადაგები (ავტორი). - ტფილისი, სახელგამის სას.-სამ. სექტ. გა-ბა, 1936. - 204გვ.
• ეროვნული ბიბლიოთეკაა