დაბადების ადგილი: 17 აპრილი, 1889 ქ. ქუთაისი. გარდ. 22 დეკემბერი, 1950წ

დაამთავრა ავსტრიის ქალაქ ლეობენის უმაღლესი სამთო სასწავლებელი 1911 წელს; ქ. ეკატერინოსლავის(ახლადნელი დნეპროპეტროვსკი) სამთო ინსტიტუტი 1914 წელს.

1914-1918წწ. მუშაობდა ხელმძღვანელ თანამდებობებზე ჩრდილოეთ კავკასიის ნავთობის სარეწებზე; 1918-1922წწ. ტყიბულის მაღაროებში; 1923-1928წწ. იყო საქართველოს სახალხო მეურნეობის უმაღლესი საბჭოს სამთო კომიტეტის თავმჯდომარე; ამავე პერიოდში კითხულობდა ლექციებს თბილისის სახელმწიფო უნივერსიტეტის პოლიტექნიკურ ფაკულტეტზე, ხოლო 1928 წლიდან საქართველოს პოლიტექნიკურ ინსტიტუტში; 1930-1950წწ. იყო მადნეულ საბადოთა დამუშავების კათედრის გამგე; საქართველოში სამთოელთა სამეცნიერო სკოლის ფუძემდებელი; მეცნიერულად დაასაბუთა ტყიბულის შახტებში ნამუშევარი სივრცის ჰიდრავლიკური ამოვსების პერსპექტიულობა და სხვ. მისი მონაწილეობით შეიქმნა ქიმიის, გამოყენებითი მინერალოგიის, გეოლოგიის, ლითონისა და სამთო საქმის ინსტიტუტები; 1959 წლიდან მის სახელს ატარებს სამთო მექანიკის ინსტიტუტი. მისი მთავარი შრომები ეხება მადნეულ საბადოთა მიწისქვეშა დამუშავების მეთოდებს, ამ მეთოდების სამეცნიერო კლასიფიკაციას.

წყარო: ქართული საბჭოთა ენციკლოპედია, ტ. 11, თბ., 1987, გვ. 348

• საქართველოს მეცნიერებათა აკადემია, აკადემიკოსი (1944-)

• შრომის წითელი დროშის ორდენი
• ლენინის ორდენი

• მადნეულ საბადოთა მიწისქვეშა დამუშავების მეთოდები (ავტორი) // ნაწ. 3. ტ. 2. - თბილისი, ტექნიკა და შრომა, 1948. - 267გვ.
• მადნეულ საბადოთა მიწისქვეშა დამუშავების მეთოდები (ავტორი) // ტ. 1. ნაწ. 3. - თბილისი, ტექნიკა და შრომა, 1946. - 401გვ.
• მადნეულ საბადოთა მიწისქვეშა დამუშავების მეთოდები (ავტორი) // ტ. 2. ნაწ. 2: გამოღება. დამუშავების მეთოდები.. - თბილისი, ტექნიკა და შრომა, 1943. - 158გვ.
• მადნეულ საბადოთა მიწისქვეშა დამუშავების მეთოდები (ავტორი) // ტ. 1. ნაწ. 1 . - თბილისი, ტექნიკა და შრომა, 1941. - 129გვ.
• ქვანახშირის გამოღების მექანიზაცია (ავტორი). - ტფილისი, ტეხნიკა და შრომა, 1932. - 430გვ.
• სამთო სამუშაოები (ავტორი). - ტფილისი, სახელგამის გა-მა, 1931. - 292გვ.