უგრეხელიძე შავლეგო პეტრეს ძე აფხაზეთის ომის დაწყების პირველსავე დღეებში ჩადგა სამშობლოს დამცველთა რიგებში. იგი იყო თავდადებული, დისციპლინირებული მებრძოლი ზედმიწევნით ზუსტად ასრულებდა მეთაურთა ბრძანებებს, დამსახურებული ავტორიტეტით სარგებლობდა მებრძოლებს შორის.
1993 წ. 16 მარტს გამთენიისას კორპუსის შტაბიდან მოვიდა ბრძანება ქალაქის დაცვის შესახებ. სამხედრო პოლიციის სამმართველოს 40 კაციანი ჯგუფი პოლკოვნიკ ი. ახალაიას მეთაურობით გადააგზავნეს გუმისთის რაიონში. უგრეხელიძემ თავის განყოფილებასთან ერთად დაიკავა საუკეთესო პოზიცია ალყაში მოაქცია მტერი და ტყვედ აიყვანა ერთი რუსი ოფიცერი წოდებით მაიორი.
20 მარტს ბრძოლის შემდეგ თავდაცვის მინისტრმა გ. ყარყარაშვილმა მწყობრის წინაშე უგრეხელიძეს მიანიჭა სამხედრო წოდება «ლეიტენანტი».
1993 წ. 16 სექტემბერს ყველა საბუთი მზად იყო, უგრეხელიძესთვის ლეიტენანტის მისანიჭებლად, მაგრამ სეპარატისტებმა დაარღვიეს ხელშეკრულება ცეცხლის შეწყვეტის შესახებ და ბრძოლები განაახლეს.
1993 წ. 24 სექტემბერს უგრეხელიძე მძიმედ დაიჭრა. მიღებული ჭრილობისაგან იგი ქ. თბილისის ჰოსპიტალში გარდაიცვალა. სიკვდილის შემდეგ დაჯილდოვდა «ვახტანგ გორგასლის» III ხარისხის ორდენით.
