ბატალიონი `მონადირე, სრული სია. წიგნიდან "საქართველო"

ილიკო მიხეილის ძე კვანჭიანი დაიბადა 1964 წლის 19 ნოემბერს, გულრიფშის რაიონის სოფელ პტიშში. დაამთავრა სოფელ ჩხალთის საშუალო სკოლა.

1984 წელს მოიხადა სამხედრო-სავალდებულო სამსახური. ჯარიდან დაბრუნებულს ობოლ და-ძმაზე ზრუნვა მოუხდა, თვითონ კი დაოჯახება ვერ მოასწრო.

1992 წელს, აფხაზეთში დაწყებულ საომარ მოქმედებებში ჩაება. მოხალისედ ირიცხებოდა საქართველოს რესპუბლიკის თავდაცვის სამინისტროს მე-2  საარმიო კორპუსის 23-ე მექანიზირებული ბრიგადის სამთო-მსროლელ ბატალიონ „მონადირეს“ რიგებში. ტანკისტი ილიკო კვანჭიანი გმირულად დაიღუპა 1994 წლის 24 მარტს, ლათის მიდამოებში შეტაკების დროს.

საქართველოს პრეზიდენტის განკარგულებით, სამშობლოს ტერიტორიული მთლიანობისათვის ბრძოლაში გამოჩენილი გმირობის, ვაჟკაცობისა და თავგანწირვისათვის ილიკო კვანჭიანი, სიკვდილის შემდეგ დაჯილდოვდა ვახტანგ გორგასლის I ხარისხის ორდენით.

ტექსტის აკრიფა თამარ გოგნაძემ  სოფ. ღვანკითი თერჯოლა