აფხაზეთის სამხედრო პოლიცია სრული სია წიგნიდან საქართველოსათვის
ემზარ ილიკოს ძე კიკალიშვილი დაიბადა 1962 წლის 21 ნოემბერს სოხუმის რაიონის სოფელ თავისუფლებაში.
რიგითი ემზარ კიკალიშვილი 1992 წლის აპრილიდან მსახურობდა აფხაზეთის სამხედრო პოლიციის რიგებში. აფხაზეთის ომის დაწყებამდე აქტიურად მონაწილეობდა ოსეთის კონფლიქტში. იბრძოდა ქვეყნის ტერიტორიული მთლიანობისა და ერთიანობისათვის, გამოირჩეოდა სიმამაცითა და გამჭრიახობით. რიგით ემზარ კიკალიშვილი დაიღუპა 1992 წლის 16 სექტემბერს ოჩამჩირის რაიონის სოფელ მერკულაში - მოწინაღმდეგის შემოტევის დროს.
ემზარ კიკალიშვილი დაკრძალულია სოფელ თავისუფლებაში.
ემზარ კიკალიშვილი დაიბადა 1962 წელს სოხუმის რაიონის ს. თავისუფლებაში. სკოლის დამთავრების შემდეგ მუშაობდა მშობლიურ სოფელში, კერძო სექტორში, დაოჯახდა შეეძინა ორი ვაჟკაცი და ამ დროს აფხაზეთში 1992 წლის 14 აგვისტოს დაიწყო რუსეთ-საქართველოს სამამულო ომი.
ემზარი პირველივე დღიდან ჩადგა სამშობლოს დამცველთა რიგებში. იბრძოდა ეროვნული გვარდიის მე-3 ბრიგადის სოხუმის ბატალიონში, შემდგომში აფხაზეთის სამხედრო პოლიციის 1-ელ ასეულში. პირნათლად ასრულებდა მეთაურის ყველა საბრძოლო დავალებებს. განსაკუთრებით თავი გამოიჩინა 1992 წლის სექტემბრის თვეში ოჩამჩირის რაიონში ჩატარებული ოპერაციების დროს.
ამ ბრძოლებში 27 სექტემბერს ს. მერკულასთან მტერმა მოახდინა დესანტის გადმოსხმა და ჩასაფრება. ჩვენი ტექნიკა ,,ბმპ,, რომელშიც იმყოფებოდა ემზარი მოწინააღმდეგემ ააფეთქა და ქართველ მებრძოლებს ელოდა უეჭველი სიკვდილი. დაჭრილმა ემზარიმ გახსნა ცეცხლი და შესძლო ყველა ეკიპაჟის წევრის გადარჩენა (მოგვიანებით ერთ თვეში გარდაიცვალა დაჭრილი მისი თანამებრძოლი მერაბ ხოჭავა) თვითონ კი გმირულად დაეცა ბრძოლის ველზე!!!
დასაფლავებულია ს.
თავისუფლების საძმო სასაფლაოზე კაკო კურტანიძის, ერეკლე ბენიძის, რომან ბერულავას, ელგუჯა კოპალიანის, ლევან შურღაიას, ნავაზი ჯიმშელეიშვილის და ჩვენი უსაფლავო ძმების დავით ეფაძის, გოჩა კვანტალიანის, ლაშა ლაშხიას, თემურ სალნთხუციშვილის, ზური ბენიძის და მრავალი ჩვენი გმირი ძმების გვერდით!!!
