მარინა ნაჭყებია დ.1956წ. აფხაზეთის მებრძოლთა მკვლევარი დ. სოხუმი აფხაზეთი

მე-8 ბატალიონის III ასეული

დაიბადა მესტიაში 1942 წლის 5 იანვარს. სკოლის დამთავრების შემდეგ მოიხადა

სამხედრო სავალდებულო სამსახური მოლდავეთში. ჯარის შემდეგ მუშაობდა მესტიის

სამგზავრო ავტობუსის მძღოლად. 80-იან წლებში ოჯახით გადავიდა საცხოვრებლად

სოხუმის რ/ნ სოფ. კამანში. გუნტერ გულედანი იყო ტექნიკის მოყვარული და

თითქმის ნებისმიერი ტრანსპორტის კონსტრუქციაში საკმაოდ განვითარებული.

აფხაზეთის ომის დაწყებისთანავე, როგორც ყველა კამანელი, ისიც ჩაება ამ ბრძოლებში

და გვერდში ამოუდგა მის თანასოფლელებს. მისი პრაქტიკა და ტოქნიკის ცოდნა

კამანელებს ომის პერიოდშიც გამოადგათ, მან და ჯ. გადრანმა ააწყვეს და მოძრაობაში

მოიყვანეს მიგდებული ძველი სატვირთო ა/მანქანა და მის ძარაზე დაამონტაჟეს

მხედრიონის მიერ მოტანილი და გზაზე უპატრონოდ მიგდებული „ნურსი“-ის

ჭურვსასროლი დანადგარი, რომელიც ვერტმფრენებზე არი ხოლმე დამონტაჟებული. 

ამ საბრძოლო მანქანით კამანელები ახდენდნენ ზემო ეშერაში განლაგებულ მტრის

სანგრების დაბომბვას.

1993 წლის 5 ივლისს გუნტერ გულედანი I საგუშაგოზე იმყოფებოდა. სროლების და

შემოტევების დროს მას და ჯ. გადრანს უნდა დაეკავათ ადგილი ძველი კორპუსის III

სართულზე, სადაც ჰქონდათ დამონტაჟებული საბრძოლო იარაღი, მსხვილკალიბრიანი

ტყვიამფრქვევი ე.წ. „дшк“ სწორედ ამ დღეს დილის 5 საათზე დაიწყო

ფართემასშტაბიანი შემოტევა კამანზე. ჯ. გადრანმა და გ. გულედანმა გადაწყვიტეს

დაეკავებინათ მათზე მინდობილი ადგილი, საითაც სროლა-სროლით იკვალავდნენ

გზას. სმწუხაროდ გუნტერ გულედანმა დანიშნულ ადგილამდე ვერ მიაღწია.

გუნტერ გულედანი სხვა დაღუპულ თანამებრძოლებთან ერთად, ერთი თვის შემდეგ

გადასვენებულ იქნა სოხუმის ძმათა სასაფლაოზე.

http://mematiane.ge/docs/1628446953611020e9a6a2b.pdf