მე-2 საარმიო კორპუსი 23-ე ბრიგადა მე-7 ბატალიონი წიგნიდან "საქართველოსთვის"

კობა  ვლადიმერის  ძე  მალანია  დაიბადა  1971 წლის  10   ივნისს  სოხუმის  რაიონის  სოფელ  აჩადარაში. აჩადარის  საშუალო  სკოლის  დამთავრების  შემდეგ  ჩააბარა  თსუ  სოხუმის  უნივერსიტეტში.

  კობა  მალანია  ომის  დაწყებისთანავე   ჩაერთო  საომარ  მოქმედებებში. 1992  წლიდან  ირიცხებოდა  საქართველოს  რესპუბლიკის  თავდაცვის  სამინისტროს  23-ე  მექანიზირებული  ბრიგადის  მე-7  ბატალიონში  რიგით  მებრძოლად.

   კობა მალანია  აქტიურად  მონაწილეობდა  საბრძოლო  ოპერაციებში  შრომა-ახალშენის  მიმართულებით. იყო  გამორჩეული  მებრძოლი.

   1993  წლის  სექტემბერში, სოხუმზე  მორიგი  შეტევის  დროს,კობა  მალანია  მძიმედ  დაიჭრა.გადაიყვანეს  აგუძერის სამხედრო  ჰოსპიტალში,სადაც, 22 სექტემბერს,მძიმე  ქირურგიული  ოპერაციის  შემდეგ  გარდაიცვალა.

   კობა მალანია დაკრძალულია  გულრიფშის  რაიონის  სოფელ  ჩერნიგოვკაში.