რომან მალანია დაიბადა 1960 წლის 3 ოქტომბერს სოფელ ვარჩეში.
სკოლის დამთავრების შემდეგ პირნათლად მოიხადა მხედრული ვალი. დაამთავრა ზედა ეწერის ტექნიკუმი. რომანი თბილი, კეთილი, შრომისმოყვარე და სწავლამოწყურებული ახალგაზრდა იყო. დაამთავრა სოხუმის სასოფლო-სამეურნეო ინსტიტუტის აგრონომიული ფაკულტეტი, მაგრამ დიპლომის აღება ვერ მოასწრო, როცა აფხაზეთის კონფლიქტი ატქდა, უბედურების ბორბალი მათ ოჯახსაც დაატყდა თავს. ჯერ დეიდაშვილი – 19 წლის რაჯი ხეცურიანი, ბიძაშვილი – ნოდარ მალანია და დისშვილი – 19 წლის ლაშა შენგელია შეეწირნენ სამშობლოს კეთილდღეობას, შემდეგ თავადაც აიღო იარაღი ხელში და იბრძოდა კოჩარაში, ცაგერაში, სოხუმში, ბოლოს საკუთარ სოფელს – წარჩეს იცავდა. სოხუმის დაცემის შემდეგაც არ გაუგდია იარაღი ხელიდან და თავის რაზმთან ერთად პარტიზანულ ბრძოლას აწარმოებდა. ბევრი სასიკეთო საქმე გააკეთა თავისი ხალხისათვის.
1994 წლის აპრილში რომანი 4 თანამებრძოლთან ერთად ერთ-ერთ საბრძოლო დავალებას ასრულებდა. ოჭაკის ტყეში მათ დახვდათ ჩასაფრებული მტრის ჯგუფი და მათთან შეტაკებისას რომანი და ელგუჯა კვარაცხელია გმირულად დაიღუპნენ.
