მე-2 საარმიო კორპუსი 23-ე ბრიგადა მე-6 ბატალიონი წიგნიდან "საქართველოსთვის"
ვახტანგ ალექსანდრეს ძე ბზიკაძე დაიბადა 1964 წლის 28 ივლისს. სწავლის დამთავრების შემდეგ ვახტანგი საცხოვრებლად უკრაინაში წავიდა. შექმნა ოჯახი- სამი ვაჟი შეეძინათ.
აფხაზეთში საომარი მოქმედებების დაწყებისთანავე , ვახტანგი საქართველოში ჩამოვიდა და სამშობლოს დამცველთა რიგებში დადგა. უფროსი ლეიტენანტი ვახტანგ ბზიკაძე ირიცხებოდა საქართველოს რესპუბლიკის თავდაცვის სამინისტროს მე-2 საარმიო კორპუსის 23-ე მექანიზირებული ბრიგადის მე-6 სატანკო ბატალიონში. თანამებრძოლებთან ერთად ვაჟკაცურად იბრძოდა მტრის შემოტევების მოსაგერიებლად.
ვახტანგ ბზიკაძე დაიღუპა 1993 წლის 27 ივლისს,მე-6 ბატალიონის საბრძოლო პოზიციაზე მდინარე გუმისთის მისადგომებთან (სოფელ ქვემო-ეშერასთან).
