მე-2 საარმიო კორპუსი 23-ე ბრიგადა მე-6 ბატალიონი წიგნიდან "საქართველოსთვის"
გიორგი ტარასის ძე კინწურაშვილი დაიბადა 1954 წლის 25 ივლისს. 1972-1974 წლებში მსახურობდა საბჭოთა არმიის რიგებში - ქალაქ ლენინგრადში.
აფხაზეთში მიმდინარე საომარი მოქმედებების დროს , 1993 წლის 13 იანვრიდან გიორგი კინწურაშვილი ირიცხებოდა საქართველოს რესპუბლიკის თავდაცვის სამინისტროს მე-2 საარმიო კორპუსის 23-ე მექანიზირებული ბრიგადის მე-6 სატანკო ბატალიონის დაცვის ოცეულში.
1993 წლის 29 სექტემბერს, გიორგი კინწურაშვილი თანამებრძოლთან ერთად,სოფელ განახლების ასახვევთან მტრის სადაზვერვო ჯგუფთან შეტაკებისას დაიღუპა.
საქართველოს სახელმწიფოს მეთაურის 1993 წლის 14 ივნისის ბრძანებულებით , გიორგი ტარასის ძე კინწურაშვილი, 1993 წლის 16 მარტს ქალაქ სოხუმზე მტრის შემოტევის მოგერიებისას გამოჩენილი ვაჟკაცობისთვის დაჯილდოვდა მედლით „საბრძოლო დამსახურებისთვის“.
გიორგი კინწურაშვილს დარჩა მეუღლე და სამი შვილი.