მე-2 საარმიო კორპუსი 23-ე ბრიგადა მე-6 ბატალიონი წიგნიდან "საქართველოსთვის"
რაინდი მამიას ძე ქებურია დაიბადა 1970 წლის 1 მაისს გულრიფშის რაიონის სოფელ პირველ ვარჩეში.
1987 წელს, საშუალო სკოლის დამთავრების შემდეგ სწავლა განაგრძო პროფესიულ-ტექნიკურ სასწავლებელში. მუშაობდა ზეინკლად სოფელ ვარჩეში. 1988 წლის მაისში გაიწვიეს სამხედრო-სავალდებულო სამსახურში-ქალაქ ტომსკში.
როგორც კი სამშობლოს გაუჭირდა, 1992 წელს, აქატიურად ჩაება საბრძოლო მოქმედებებში.
ახალგაზრდა ვაჟკაცი გულგრილი არ დარჩა ქვეყანაში მიმდინარე მოვლენების მიმართ და მეგობრებთან ერთად დადგა სამშობლოს დამცველთა რიგებში. 1992 წლის 12 სექტემბრიდან რაინდი ირიცხებოდა საქართველოს რესპუბლიკის თავდაცვის სამინისტროს მე-2 საარმიო კორპუსის 23-ე ბრიგადის მე-6 სატანკო ბატალიონის პირველ ასეულში. უშიშრად იბრძოდა მდინარე გუმისთის პირას, (ქვემო ეშერაში) მტრის შემოტევების მოგერიებისას . 1993 წლის 5 მაისს ბატალიონის საბრძოლო პოზიციაზე მდინარე გუმისთის პირას, სოფელ ქვემო-ეშერასთან პოზიციური ბრძოლის დროს, რაინდი ქებურია სასიკვდილოდ დაიჭრა მოწინააღმდეგის მიერ გამოსროლილი ჭურვის ნამსხვრევით.