მე-2 საარმიო კორპუსი 23-ე ბრიგადა მე-6 ბატალიონი წიგნიდან "საქართველოსთვის"

ვასილ  ენვერის  ძე  ჯიშკარიანი  დაიბადა  1969  წლის  27  თებერვალს. დაამთავრა  გულრიფშის  საშუალო  სკოლა. 1987-1990  წლებში  მსახურობდა  საბჭოთა  კავშირის  შეიარაღებულ  ძალებში - ქალაქ  სევასტოპოლში. დემობილიზაციის  შემდეგ  მშობლიურ  კუთხეში  კერძო  ბიზნესით  იყო  დაკავებული.

     აფხაზეთში  საომარი  მოქმედებების  დაწყების  შემდეგ  ვასიკო  მეგობრებთან  ერთად  დადგა  სამშობლოს  დამცველთა  რიგებში.1992  წლის  23  სექტემბრიდან  ირიცხებოდა  თავდაცვის  სამინისტროს  მე-2  საარმიო  კორპუსის  23-ე  ბრიგადის  მე-6  სატანკო  ბატალიონის  პირველი  ასეულის  მე-2 ოცეულის  მეთაურის  თანამდებობაზე. ვასიკო  პირნათლად  ასრულებდა  მასზე  დაკისრებულ  მოვალეობას  და  თანამებრძოლებთან  ერთად  მედგარ  წინააღმდეგობას  უწევდა  მომხვდურ  მტერს.

    ვასილ  ჯიშკარიანი  1993  წლის  2  აპრილს, ბატალიონის  საბრძოლო  პოზიციაზე-მდინარე  გუნმისთის  პირას(სოფელ  ქვემო  ეშერასთან)  საბრძოლო  დავალების  შესრულების  დროს ,სნაიპერის  მიერ  გამოსროლილი  ტყვიით  სასიკვდილოდ  დაიჭრა.

    საქართველოს  პრეზიდენტის  განკარგულებით სამშობლოს  ტერიტორიული  მთლიანობისთვის , 1993  წლის  16  მარტს  სოხუმზე  განხორციელებული  ფართომასშტაბიანი  შემოტევის   მოგერიების  დროს  გამოჩენილი  გმირობის, ვაჟკაცობისა  და თავგანწირვისათვის  ვასილ  ჯიშკარიანი  დაჯილდოვდა  ვახტანგ  გორგასლის  III   ხარისხის  ორდენით.

ვასილ  ჯიშკარიანი  დაკრძალულია  სოფელ  მაჭარაში.