მე-2 საარმიო კორპუსი 23-ე ბრიგადა მე-5 ბატალიონი წიგნიდან "საქართველოსთვის"
როსტომ ვლადიმერის ძე ჯაჭვლიანი დაიბადა 1962 წლის 20 ივლისს გულრიფშის რაიონის სოფელ პტიშში.(აჟარის მუნიციპალიტეტში). დაამთავრა ოჩამჩირის რაიონის სოფელ აძიუჟბის №1 საშუალო სკოლა.
აფხაზეთში მიმდინარე საომარი მოქმედებების დროს, როსტომ ჯაჭვლიანი 1992 წლიდან ირიცხებოდა საქართველოს რესპუბლიკის თავდაცვის სამინისტროს მე-2 საარმიო კორპუსის 23-ე მექანიზირებული ბრიგადის მე-5 ბატალიონის ასეულში.
1992 წლის 17 ოქტომბერს,ახალდაბა-კინდღის მისადგომებთან, აფხაზ სეპარატისტებთან მორიგი შეტაკებისას ,როსტომ ჯაჭვლიანი გმირულად დაიღუპა.
საქართველოს პრეზიდენტის განკარგულებით სამშობლოს ტერიტორიული მთლიანობისთვის ბრძოლაში გამოჩენილი გმირობის, ვაჟკაცობისა და თავგანწირვისათვის როსტომ ჯაჭვლიანი ,სიკვდილის შემდეგ, დაჯილდოვდა ვახტანგ გორგასლის I ხარისხის ორდენით.
