მე-2 საარმიო კორპუსი 23-ე ბრიგადა მე-2 ბატალიონი წიგნიდან "საქართველოსთვის"

რეზო  ევგენის  ძე ჯაჭვლიანი  დაიბადა  1952  წლის  16  აგვისტოს  გულრიფშის  რაიონის  სოფელ  ომარიშრაში.

დაამთავრა  სოხუმის  მე-2  საშუალო   სკოლა-ინტერნატი. სამხედრო-სავალდებულო  სამსახურის  მოხდის   შემდეგ  მუშაობდა  სოხუმის  სამშენებლო  კომბინატში,ტურბაზაში-უფროს  ინსტრუქტორად,სოხუმის  მე-8  საშუალო  სკოლაში  ფიზკულტურის  მასწავლებლად.

 რეზო  ჯაჭვლიანი  იყო  საზოგადოება  „ლემის“  წევრი  და ეროვნული  მოძრაობის  მონაწილე,ოთხი  შვილის  მამა.

   აფხაზეთში  მიმდინარე  საომარი  მოქმედებების  დროს, ირიცხებოდა  საქართველოს  რესპუბლიკის   თავდაცვის  სამინისტროს  მე-2  საარმიო   კორპუსის  23-ე მექანზირებული  ბრიგადის მე-2  მოტომსროლელ  ბატალიონში  მზვერავად.  აქტიურად   მონაწილეობდა  მე-2  ბატალიონის    მიერ  ჩატარებულ   საბრძოლო  ოპერაციებში.

     ევგენი   ჯაჭვლიანის  მრავალშვილიანი   ოჯახიდან  ექვსი  ვაჟკაცი  სამშობლოს  სადარაჯოზე  იარაღით  ხელში  იდგა,აქედან  ორი(რეზო  და  ჯეირანი)  გმირულად  დაეცა  ბრძოლის  ველზე.მათი  დები-რუსიკო  და  ნონა  მასიურ  დაბომბვას  ემსხვერპლნენ.

    1993   წლის  16  მარტს  მტრის  შემოტევის დროს,  სადაზვერვო   ჯგუფი  პირველი  შეეჯახა  მრავალრიცხოვან  დაჯგუფებას,თანამებრძოლებთან  ერთად,გაანადგურა  მოწინააღმდეგის  დიდი  ჯგუფი   და  თვითონაც   გმირულად  დაიღუპა.

    საქართველოს   პრეზიდენტის   განკარგულებით  სამშობლოს   ტერიტორიული  მთლიანობისთვის  ბრძოლაში  გამოჩენილი  გმირობის,ვაჟკაცობისა  და თავგანწირვისათვის   რეზო  ჯაჭვლიანი, სიკვდილის  შემდეგ,დაჯილდოვდა  ვახტანგ  გორგასლის  III   ხარისხის  ორდენით.