მე-2 საარმიო კორპუსი 23-ე ბრიგადა მე-2 ბატალიონი წიგნიდან "საქართველოსთვის"

ბაადურ  ნესტორის  ძე  ჯაჭვლიანი  დაიბადა  1966   წლის  1  მარტს გულრიფშის  რაიონის  სოფელ  ომარიშარაში.საშუალო  სკოლის  დამთავრების  შემდეგ  მოიხადა  სამხედრო-სავალდბულო  სამსახური.მუშაობდა  სოხუმის  რკინიგზის  სადგურში.

   აფხაზეთში  მიმდინარე  საომარი  მოქმედებების  დროს,ბადურ  ჯაჭვლიანი  1992  წლის  18  ნოემბრიდან  ირიცხებოდა  საქართველოს  რესპუბლიკის  თავდაცვის  სამინისტროს  მე-2  საარმიო  კორპუსის  23-ე  მექანიზირებული  ბრიგადის  მე-2  მოტომსროლელი  ბატალიონის  I    ასეულის  მეთაურაედ.  1993  წლის  15  ტებერვალს  მიენიჭა  სამხედრო  წოდება- „უფროსი  ლეიტენანტი“. აქტიურად  მონაწილეობდა  ბატალიონის  მიერ  ჩატარებულ  ყველა საბრძოლო  ოპერაციაში.

   1993  წლის  27  იანვარს  ბაადურ  ჯაჭვლიანი  დაჯილდოვდა  სახელმწიფო  მეთაურის  მადლობით,როგორც  ბრიგადის  მოწინავე,მამაცი  მებრძოლი.ბაადური  იდგა  იქ,სადაც  საქართველოს  ბედი   წყდებოდა  და  თავის  მიწა-წყალს  იცავდა ისე, როგორც  მის  გავრს  და  ოჯახს  ეკადრებოდა.  ამაყი, რაინდული   სულის  ვაჟკაცი  იბრძოდა  სამართლიანობისა  და  სამშობლოს  ერთიანობისთვის.

   ბაადურ  ჯაჭვლიანი  1993  წლის  16  მარტს  აფხაზი  სეპარატისტების  მიერ განხორციელებული  შეტევის  დროს,  მტერთან  ხელჩართულ  ბრძოლაში,ცეცხლსასროლი  იარაღით  მიყენებული   გამჭოლი  ჭრილობებისგან  ბრძოლის   ველზე  დაიღუპა.

   საქართველოს  პრეზიდენტის  განკარგულებით  სამშობლოს  ტერიტორიული  მთლიანობისთვის  ბრძოლაში  გამოჩენილი   გმირობის,ვაჟკაცობისა  და  თავგანწირვისათვის  ბაადურ  ჯაჭვლიანი,სიკვდილის შემდეგ,დაჯილდოვდა   მედლით  „მხედრული  მამაცობისთვის“.

   ბაადურ   ჯაჭვლიანი  დაკრძალულია  გულრიფშის  რაიონის   სოფელ  ომარიშარაში.