დაიბადა 1963 წელს თბილისში, მედიკოსების ოჯახში. 1979 წელს დაამთავრა თბილისის 161-ე საშუალო სკოლა. მიღებული ჰქონდა შვიდწლიანი მუსიკალური განათლება ფორტეპიანოს სპეციალობით.

   1979 წელს შევიდა საქართველოს ფიზიკური კულტურის ინსტიტუტში,რომელიც დაამთავრა 1983 წელს. სტუდენტობის პერიოდში 1978-81 წლებში წარჩინებით დაამთავრა მარქსიზმ-ლენინიზმის უნივერსიტეტი. ინსტიტუტის დამთავრების შემდეგ მუშაობდა სხვადასხვა დაწესებულებებში ფიზაღზრდის მასწავლებლად და მწვრთნელად. 1985 წელს გაიწვიეს სამხედრო სავალდებულო სამსახურში სასაზღვრო ჯარის ნაწილებში, 1987 წლიდან კი მუშაობდა საქართველოს სპორტსახკომის ცენტრალურ აპარატში საორგანიზაციო მუშაობის,კადრებისა და მოსახლეობის ფიზაღზრდის სამმართველოს უფროს მეთოდისტად.

   1990 წლის თებერვლიდან ტრავმული დაზიანების გამო (ქვემო კიდურების ბარძაყისა ღა წვივის ძვლების მრავლობითი მოტხილობა). იყო მეორე ჯგუფის ინვალიდი. მიუხედავად ამისა, აფხაზეთში შექმნილი კონფლიქტის გამო, იმის გათვალისწინებით, რომ მისთვის ნაცნობი იყო სოხუმისა და გაგრის მიდამოები,აღნიშნულ ადგილებში სამხედრო სავალდებულო სამსახურის გავლისას, 27 აგვისტოს იგი მხედრიონთან ერთად გადაფრინდა სოხუმში, აქედან კი გაგრაში.30 აგვისტოს მონაწილეობდა გაგრა-კოლხეთის ბრძოლებში. როგორც ორი თანამებრძოლის გადმოცემით ვიცით, იგი თავგანწირვით იბრძოდა და მოუწოდებდა მებრძოლებს ალყის გარღვევისაკენ, დაიღუპა სამ მებრძოლთან და მეთაურ ამირანთან ერთად (მისი ვინაობა ჩვენთვის უცნობია). ბრძოლის წინ მას ინტერვიუ მიუცია უცხოელი კორესპონდენტებისთვის,რომელთა ჩანაწერი უჩვენებიათ ვილნიქსის ტელევიზიით სექტემბერში.

    ჰყავს პენსიონერი მშობლები, დედისერთა იყო. 1983 წელს დაოჯახდა.

ჰყავს 8 წლის ნონა და 2, 5 წლის ტატო, მეუღლე დიანა (ფეხმძიმე). დაკრძალეს 5 სექტემბერს მუხათგვერდის სასაფლაოზე,

გრიგორ ბაინდურაშვილი

ბაიდურაშვილი გრიგოლ ესტატეს ძე დაიბადა 1963 წლის 22 თებერვალს ქ.

თბილისში. 1979 წელს დაამთავრა თბილისის N161 საშ. სკოლა. 1983 წელს კი

საქართველოს ფიზიკური კულტურის ინსტიტუტი. ინსტიტუტის დამთავრების შემდეგ

მუშაობდა ფიზიკური აღზრდის მასწავლებლად, მწვრთნელად. 1985 წელს გაიწვიეს

სამხედრო სამსახურში სასაზღვრო ჯარის ნაწილებში. 1987 წლიდან მუშაობდა

საქართველოს სპორტსახკომის ცენტრალურ აპარატში მოსახლეობის ფიზაღზრდის

სამმართველოს უფროს მეთოდისტად. მრავლობითი ტრავმული დაზიანებების გამო

იყო მეორე ჯგუფის ინვალიდი. მიუხედავად ამისა, აფხაზეთში ტერიტორიული

მთლიანობისათვის დაწყებულ ბრძოლაში იგი ერთ-ერთი პირველი ჩაება. 27 აგვისტოს

იგი მხედრიონთან ერთად ჩაფრინდა ჯერ სოხუმსა, შემდეგ კი გაგრაში.

თანამებრძოლთა გადმოცემებიდან ირკვევა, რომ სისხლის უკანასკნელ წვეთამდე

თავგანწირვით იბრძოდა, მოუწოდებდა მებრძოლებს ალყის გარღვევისაკენ.

1992 წლის 30 ავგისტოს 30 წლის, დედისერთა გია ბაინდურაშვილი დაიღუპა ქ.

გაგრაში, თავის არეში მიღებული ცეცხლნასროლი ჭრილობის შედეგად.