ლერი ბაინდურაშვილი დაიბადა 1964 წლის 26 იანვარს თბილისში. აქვე დაამთავრა 85-ე საშუალო სკოლა, შემდეგ სავაჭრო ტექნიკუმი.ლერი ჩაირიცხა ქ. ჩოლოყაშვილის სახელობის პოლკში ოცმეთაურად.

მონაწილეობდა სამაჩაბლოსა და აფხაზეთის ტერიტორიებზე გამართულ ბრძოლებში.პოლკის მეთაური პოლკოვნიკი ტარიელ აბუაშვილი მას ახასიათებს, როგორც ძლიერ, უშიშარ, უტყუარ მებრძოლს. მან თავისი ვაჟკაცობით, შეუპოვრობით მა იორის წოდება დაიმსახურა და II ბატალიონის შტაბის უფროსად დაინიშნა.სამაჩაბლოში ბრძოლის დროს დაჭრილი იყო ზურგის არეში, მინის ნამსხვრევები ჰქონდა სხეულში, მკურნალობდა თბილისის სამხედრო ჰოსპიტალში.

მისი თანამებრმოლი გელა რუსიშვილი (რომელიც დაიღუპა) ამბობდა: „სამაჩაბლოში ლერის თავი 5 მილიონ რუბლად იყო შეფასებული“, ნაიარევი კარგად მოშუშებულიც არ ჰქონდა, რომ აფხაზეთში წავიდა საბრძოლველად. აქაც ყველა საბრძოლო ოპერაციაში მონაწილეობდა.1993 წლის 24 სექტემბერს სოხუმში, ახალდაბის მისადგომებთან, მტრის მორიგი შემოტევის დროს დაიღუპა გმირულად.

მაიორი ლერი ბაინდურაშვილი სიკვდილის შემდეგ დაჯილდოვდა ვახტანგ გორგასლის I ხარისხის ორდენით.