ანზორ (გონერ) ნოზაძე

    გულიანი, ძლიერი, მეგობრული -- ასე ემახსოვრება ყველას ანზორ ნოზაძე, სამშობლოსათვის თავდადებული ახალგაზრდა, რომელიც ორ თანასოფლელთან ერთად სიცოცხლის ბოლო წუთამდე გმირულად ებრძოდა მტერს. ანზორ ნოზაძე 1964 წლის 1 აგვისტოს დაიბადა, ხაშურის რაიონის სოფელ ჩუმათელეთში.

1993 წლის 1 მარტიდან 1993 წლის 2 ივლისამდე სულ რამდენიმე თვეა, მაგრამ რამდენი ბრძოლა, რამდენი ტკივილი და სიხარული ახსოვს ამ დღეებს. 

ანზორი 1993 წლის 1 მარტს ჩაირიცხა საქართველოს შინაგან საქმეთა სამინისტროს შინაგანი ჯარების ს/ნ 2054-ის რიგებში, ზემდეგად. მონაწილეობდა საბრძოლო მოქმედებებში აფხაზეთში, კერძოდ, ქ. სოხუმის, ქ. ოჩამჩირის, მდ. გუმისთისა და ტამიშის ბრძოლებში.

ანზორის გვერდით იბრძოდა მისი ორი თანასოფლელი -–- მამუკა სამხარაძე და თემურ თივათელიძე, სამი ახალგაზრდა გულანთებული ებრძოდა მტერს.

1993 წლის 2 ივლისსაც ერთად იყო სამი მეგობარი. აფხაზთა შეიარალებულმა ძალებმა მასირებული შეტევა დაიწყეს ოჩამჩირის რაიონის სოფელ ძველი კინდლის (ტამიშის დესანტი) მიმართულებით, სადაც გამაგრებული იყო ს/ნ 2054. ბიჭებმა ბოლომდე გმირულად იბრძოლეს, მაგრამ ვერაფერს გახდნენ მრავალრიცხოვან მტერთან და ალყაში მოექცნენ... შეწყდა სამი სამშობლოს სიყვარულით გულანთებული ჭაბუკის სიცოცხლე. მათ სამუდამო განსასვენებელიც ერთად ჰპოვეს ჩუმათელეთი ძმათა სასაფლაოზე.

    ანზორ ნოზაძის სამ ვაჟს საამაყოდ აქვს მამის სახელი, უმცროსს, გონერის, ხომ მამა არც უნახავს, ის მამის გარდაცვალების შემდეგ დაიბადა, მაგრამ ყოველთვის იამაყებს მამით, რომელმაც თავი უანგაროდ გაწირა მისი და მისი თანატოლების ბედნიერი მომავლისათვის. გულიანი, ძლიერი, მეგობრული, ვაჟკაცი –-- ასე გვემახსოვრება ყველას შინაგანი ჯარების საპატრულო პოლკის ზემდეგი. შენ ხომ შენს ჯარისკაცებთან ერთად ყოფნა გიყვარდა, უნერგავდი სამშობლოს სიყვარულს და მათთან ერთად ბრძოლაში გმირულად დაეცი ორ ივლისს, კინდლთან. ოცნებაც აუხდენელი დაგრჩა, ისევე როგორც შენს მეგობრებს -- არ დაგცალდა ჩახუტებოდი შენს შვილს, შენს საყვარელ ოჯახს. არასოდეს დაგივიწყებთ, ანზორ საქართველოს შინაგანი ჯარების საპატრულო პოლკი ს/ნ 2054

გაზეთი „თბილისი“ 24 აგვისტო, 1993 წელი.

ითანამშრომლა და ინფორმაცია მოგვაწოდა მიხეილ ნუგზაქრის ძე ბარბაქაძე დაბ. 1967წ. ვეტერანი წარმ. ხაშური

სრული 60 მებრძოლის სია მასალა აღებულია წიგნიდან ისინი იბრძოდნენ საქართველოს ტერიტორიული მთლიანობისთვის  გამოცემა 2003 წელი წიგნზე იმუშავეს გოგა ხაჩიძე, შერაზადიშვილი  გადადი ლინკზე

46