კობა გოგუა 1976-02/07/1993წ. გარდ. აფხაზეთი ავაზა დაბ. ზუგდიდი სამეგრელო
ზუგდიდის შოთა რუსთაველის სახელობის #3 საშუალო ს, სკოლის მე-10 კლასის მოსწავლე იყო კობა გოგუა, როცა აფხაზეთში ომი დაიწყო, მისი უფროსი ძმა ბესო და ბიძა მერაბ გოგუა დაუყოვნებლივ ჩადგნენ სამშობლოს დამცველთა რიგებში. მოხალისედ ჩაეწერნენ ბატალიონ „ავაზაში“, პატარა კობა სახლიდან გამოიპარა და მათ შეუერთდა, მართალია, მას უფროსები სახლში და-ბრუნებას ურჩევდნენ, მაგრამ ჩვენი გმირი ვაჟკაცობით ტოლს არავის უდებდა.
ავადსახსენებელ 2 ივლისს, დესანტის გადმოსხმის დღეს, გაუჩინარდა. 9 დღის შემდეგ გაიგეს ახლობლებმა, რომ აფხაზეთის ზონაში, სადაც ჩვენები ვერ აკონტროლებდნენ სიტუაციას, 21 ჩვენი დაღუპული მეომარი ერთად ჰყავდათ ორმოში.
ერთმა აფხაზმა „ბოევიკმა“ ერთი მილიონი მანეთი მოითხოვა და პირობა დადო, რომ ტრაქტორს მოიყვანდა და იპოვნიდა კობას გვამს.როცა იმ ადგილას მივიდნენ, სადაც ორშო იყო, დაიწყეს ამოთხრა.
ამ საზარელი სურათის შემხედვარე ჭირისუფალს არაადამიანური ძალა მიეცა, აფხაზს თავში რკინა ჩაარტყა, ავტომატი ხელიდან გამოგლიჯა და ხელებით დაახრჩო. სხვის ფულს და სხვის უბედურებას დახარბებული არაკაცი.
სულ პატარა კობას ცხედარი ხელში აყვანილი ტყე-ტყე გამოასვენეს და ქრისტიანული წესით ზუგდიდში საგვარეულო სასაფლაოზე დაასაფლავეს.
ნარგიზა ლომთაძე