გრიგოლ თოთაძე დაიბადა 1956 წლის 17 მარტს, ქ. სამტრედიაში, მოსამსახურის ოჯახში,
მამა – გიორგი თოთაძე იყო მოსამსახურე. გარდაიცვალა 1989 წელს.
დედა – თინა ჯანჯალია იყო მოსამსახურე. გარდაიცვალა 1990 წელს...
ძმა – ირაკლი თოთაძე ტრაგიკულად დაიღუპა 1991 წელს.
1963 წელს გრიგოლი შევიდა ქ. სამტრედიის IV საშუალო სკოლაში, რომელიც დაამთავრა 1973 წელს. 1974 წელს შევიდა საქართველოს სუბტროპიკული მეურნეობის ინსტიტუტში ტექნოლოგიის ფაკულტეტზე. პარალელურად მუშაობდა ქ. სამტრედიის ყველ-კარაქის კომბინატში საწყობის გამგედ.
1978 წელს დაქორწინდა ლავანდა ჩიქოვანზე. 1979 წელს შეეძინა ქალიშვილი – მარიეტა, 1984 წელს ვაჟი – ირაკლი.
გრიგოლი ყველაფერს აკეთებდა იმისათვის, რომ თავისი ღირსეული წვლილი შეეტანა სამშობლოს თავისუფლებისთვის ბრძოლაში, ასე იყო ახლაც, როცა. აფხაზეთის მიწაზე იბრძოდა და მაშინაც, როცა სამაჩაბლოში ქართველებს ედგა მხარდამხარ მშობლიური მიწის დასაცავად, გრიგოლ თოთაძე 1992 წლის 12 ოქტომბერს გაიწვიეს საქართველოს მთლიანობის დასაცავად, იბრძოდა ოჩამჩირის რაიონის სოფ. ტამიშთან ქუთაისის 21ე ბატალიონის შემადგენლობაში და გმირულად დაეცა ბრძოლის ველზე 1992 წლის 2 ნოემბერს. ის ამ დროს ათმეთაური იყო.
დასაფლავებულია ქ. სამტრედიაში, ილორის სასაფლაოზე.