გელა, ჩვენო მოურჩენელო ტკივილო, გამწარებული მშობლების ერთადერთო იმედო, სამშობლოზე უსაზღვროდ შეყვარებულო და მისთვის თავგანწირულო, 14 მარტს შენს საფლავზე შევიკრიბებით, მოგილოცავთ დაბადების დღეს,21 წლის ვაჟკაცო.

გელა, შენ გმირი ხარ, რადგან სამაჩაბლოში ერთ დღესაც არ მიგიტოვებია შენი გადამწვარი სახლ კარი. დღე და ღამე ტყვიის წვიმაში დარაჯად ედექი.

შენს საფიცარ თამარაშენს, აკი დაგჭრეს კიდეც არაკაცებმა სოფელზე ერთ-ერთი თავდასხმის დროს...

ჭრილობა ახალი მოშუშებული გქონდა და აფხაზეთში წახვედი მოხალისედ,ლესელიძესთან მოგისწრო მტრის ტყვიამ. შენი დასახიჩრებული სხეული გულში ჩაიკრა სამაჩაბლოში ნატყვიარმა მიწამ, შენმა სპეტაკმა სულმა ზეციურ  ნათელში დაიმკვიდრა მარადიული ადგილსამყოფელი. 

იძინე მშვიდად, თამარაშენელო გმირო. გწამდეს, რომ შენი სამშობლო იქნება მთლიანი და განუყოფელი, ძლიერი და აყვავებული.

ღმერთმა გააძლებინოს შენს გაუბედურებულ მშობლებს. მუდამ ნათელში ამყოფოს ღმერთმა შენი ლამაზი სული.