დავით რეხვიაშვილი დაიბადა 1968 წლის 25 აგვისტოს ამბროლაურის რაიონის სოფ. ურავში.

სოფ. ურავის 8 კლასის დამთავრების შემდეგ სწავლა გააგრძელა ამბროლაურის სასოფლო-სამეურნეო ტექნიკუმში, შემდეგ სავალდებულო სამხედრო სამსახური მოიხადა ხაბაროვსკში. 1989 წ. საცხოვრებლად გადავიდა ქ. რუსთავში და მუშაობა დაიწყო ქიმიურ გაერთიანება „აზოტში“ - ზეინკლად.

1992 წლის 10 ოქტომბრიდან ჩაირიცხა ბატალიონ "ავაზაში" და ვაჟკაცურად იბრძოდა აფხაზეთში ქართული მიწის დასაცავად.

1993 წლის 2 ივლისს, დესანტის გადმოსხმის დროს, სოფ. ტამიშში გმრრულად დაეცა ბრძოლის ველზე. დარჩა ბევრი აუხდენელი ოცნება, აცრემლებული მშობლები, და-ძმა, ახლობლები და სიყვარული

დავითი დაკრძალულია მშობლიური სოფლის სასაფლაოზე.

ოხერო წუთისოფელო

ოხერო წუთისოფელო,

ზარავანდივით მწარეო,

სად გადახკარგავ ვაჟკაცსა,

საით სადამდე ავლეო...

(სალხური)