ირაკლი ბარნოვი პოლიციის ლეიტენანტი, დაოჯახებული, სულითა და ხორცით ქართველი.
ეს იყო 1992 წლის აგვისტოში. აფხაზი სეპარატისტები დაქირავებული მკვლელების ჭარბი ძალებით უტევდნენ სოსუმს. სწორედ ამ მრავალტანჯული ქალაქის მისადგომებთან ბრძოლის დროს მძიმედ დაიჭრა ირაკლი, კრიტიკულ მდგომარეობაში მყოფ მებრძოლს ოპერაცია გაუკეთეს, მაგრამ ჭრილობა საბედისწერო აღმოჩნდა, სისხლი მოეწამლა, ვეღარ მოხერხდა მისი სიცოცხლის ხსნა.
მან მხოლოდ 24 წელი იცოცხლა და ღირსეულად მოიხადა თავისი ვალი სამშობლოს წინაშე.
მის სახელს მუდამ მადლიერებით მოიხსენიებს ჩვენი ხალხი.
ირაკლი ბარნოვი (1968-1993)
პოლიციის ლეიტენანტი ირაკლი კონსტანტინეს ძე ბარნოვი დაიბადა 1968 წლის 14 თებერვალს, ქალაქ თბილისში. 1986 წელს დაამთავრა ქ.თბილისის N5 საშუალო სკოლა. 1986-1988 წლებში მსახურობდა სამხედრო სავალდებულო სამსახურში. დემობილიზაციის შემდეგ, 1988 წლის 14 ივლისიდან მუშაობა დაიწყო შინაგან საქმეთა სამინისტროს სისტემაში-მთავრობის დაცვაში, ქ. თბილისის ყოფილი ორჯონიკიძის რაიონის შს რაიონულ განყოფილებაში. 1990 წლის პირველი სექტემბრიდან 1991 წლის 10 ოქტომბრამდე სწავლობდა შსს მოსკოვის მილიციის უმაღლესი სკოლის თბილისის ფაკულტეტზე.
1991 წლის 11 სექტემბრიდან გარდაცვალებამდე მსახურობდა პოლიციელად ქ. თბილისის შსს წყალმომარაგებათა ნაგებობების დაცვის პოლიციის ლეგიონში.
1992 წლის აგვისტოში პოლიციის თანამშრომლებთან ერთად მივლინებულ იქნა აფხაზეთის რეგიონში, საომარ მოქმედებებში მონაწილეობის მისაღებად.
1992 წლის 25 აგვისტოს სოხუმის რაიონში, აგუძერასთან, საბრძოლო მოქმედებების დროს 24 წლის ირაკლი ბარნოვმა მძიმე ტრავმა მიიღო. სეპარატისტები აქტიურად უტევდნენ სოხუმს. მტრის ნაღმის აფეთქების შედეგად იგი გადმოვარდა ბეტეერიდან და ელენთა დაუზიანდა, ჭრილობა საბედისწერო აღმოჩნდა. მძიმედ დაჭრილმა ირაკლიმ ამოასვენა ღრმა ხევში გადაჩეხილი საკუთარი მეთაურის ცხედარი.
მიუხედავად მრავალი ქირურგიული საოპერაციო ჩარევისა, ირაკლი 1993 წლის 31 იანვარს მძიმე პერეტონიტის შედეგად გარდაიცვალა.
ირაკლი ბარნოვის სახელი ამოტვიფრულია შსს თბილისის დიღმის სამმართველოს მემორიალურ დაფაზე.
