სულ ვიზიტორი : 61033445238
განთავსებული სტატია : 10420

მთავარი იუბილარი/ ხსენება

აფხაზეთი სამაჩბლო 1990წ-დან მებრძოლები ვეტერანები შსს
სამაჩაბლო
ვეფხია თუთარაშვილი 1972-89წ. გარდ. პირველი მსხვერპლი სამაჩაბლო დაბ. სოფ. წმინდაწყალი გორი

1972-1989 წწ. გარდ. 17 წლის

ბმულის კოპირება

სამაჩაბლო

გვარი თუთარაშვილი სია

ცხინვალი გამოჩენილი ადამიანები სრული სია

2       ბეჭდვა

ვეფხია თუთარაშვილი 1972-89წ. გარდ. პირველი მსხვერპლი სამაჩაბლო დაბ. სოფ. წმინდაწყალი გორი

ვეფხია თუთარაშვილი დანაშაულად ქართველობა ჩაგვითვალეს.

ჩვენი ვეფხია, ვეფხვივით ბიჭი – ასე იცნობდნენ სოფელ თამარაშენში ვეფხია თუთარაშვილს.


შენი ძლიერება მხოლოდ გარეგნობით არ გამოიხატებოდა, კეთილი იყავ,თავმდაბალი, მოსიყვარულე.

ჩვიდმეტ ლამაზ გაზაფხულს ითვლიდი მხოლოდ... სურვილი გქონდა, ავტოინსპექტორად გემუშავა, არ დაგცალდა.ოცნებობდი, შენატროდი საქართველოს ძლიერს, დამოუკიდებელს, თავისუფალს – ვერ მოესწარი...


არც სიყვარული დაგაცალეს...

თვალწინ გვიდგას მწუხარებისგან ცრემლგამშრალი დედაშენის გაქვავებუსახე, ნამდვილი პატრიოტი ქართველი ქალისა,რომლისთვისაც საფიცარია საქართველო და მას არ შეეძლო სხვანაირად გაეზარდა შვილი.

ოჯახის პირველი დიდი სიხარული და იმედი იყავი.

დიდი ტკივილი ხარ ახლა.

დიდად განიცდიდი სამაჩაბლოში შექმნილ მდგომარეობას. დაუნდობელმა „მოძმის“ ტყვიამ დაასრულა შენი ლამაზი სიცოცხლე მაშინ, როდესაც შენს სოფელს დარაჯად უდექი და სხვის სიცოცხლეს უფრთხილდებოდი.

დანაშაულად ქართველობა ჩაგითვალეს, ვეფხო! ჩვენ კი, სამაჩაბლოს ქართველობას, მოუშუშებელი ჭრილობა დაგვიტოვე გულში, სამშობლოსთვის ზვარაკად შეწირულო, ღიმილის ბიჭო, ჩვენო ვეფხია!

მასწავლებლები და თანაკლასელები


გორთან ახლოს, წმინდაწყლის კოტეჯებში ვახტანგ თუთარაშვილი ცხოვრობს, რომლის შვილი, 1989 წელს, სოფელ თამარაშენთან პირველი შეტაკების დროს, 17 წლის ასაკში დაიღუპა.


ამჟამად, ოჯახის წევრები წერილებს პრემიერ-მინისტრისა და პრეზიდენტის სახელზე უშედეგოდ გზავნიან. ისინი იმ დახმარების მიღებას ითხოვენ, რომელიც ომში დაღუპულ ოჯახებისთვის ყოველთვიურადაა გათვალისწინებული.


ვახტანგ თუთარაშვილს უცხადებენ, რომ მისი შვილი ვეფხია თუთარაშვილი საომარი შეტაკების დროს, არ დაღუპულა.


17 წლის ვეფხია თუთარაშვილი 1989 წლის 26 დეკემბერს თამარაშენის მისადგომებთან კრიმინალური დაჯგუფების ოსი ეროვნების წევრებთან შეტაკების დროს, დაიღუპა.


ოსურმა მხარემ, ქალაქ ცხინვალის მაშინდელმა პროკურატურამ მკვლელობაში ეჭვმიტანილი ყველა პირი დააკავა. სოფელ თამარაშენში დაკრძალვაზე საქართველოს მაშინდელი კომპარტიის მდივანი გივი გუმბარიძეც ჩავიდა.


,,ფაქტიურად, ჩემი შვილი ქართველებისა და ოსების დაპირისპირების პირველი მსხვერპლი გახდა. ცხინვალის გასასვლელში, სოფელ თამარაშენის მისადგომებთან ჩვენი სოფლის ახალგაზრდები სოფელს იცავდნენ. უკვე იწყებოდა ოჯახებზე თავდასხმა, ძარცვა და ყაჩაღობა. ჩემი შვილი ასეთი თავდასხმის დროს დაიღუპა" - ამბობს ვახტანგ თუთარაშვილი.


ვეფხია თუთარაშვილი კარგად ახსოვს ექსპერტს მამუკა არეშიძეს. ის ერთ-ერთ ინტერვიუში იხსენებს:


,,1989 წლის ბოლოს, საღამოს თამარაშენის ქართულ პოსტზე ვიყავი ჩასული. სანადირო თოფებით შეიარაღებული ქართველები კოცონის გარშემო იყვნენ შეკრებილები. მათ შორის 16 წლის ბიჭიც ერია - ვეფხია თუთარაშვილი. ის საღამო მათთან ერთად გავატარე და მოგვიანებით ცხინვალში წავედი. ჩასვლისთანავე გავიგე, თამარაშენთან ქართველები დაუხოცავთ, მათ შორის - ვეფხიაც. 1-ელ იანვარს უკვე ბრძოლაც გაჩაღდა.." - ციტატა მამუკა არეშიძის ინტერვიუდან.


1989 წლის 26 დეკემბრის მკვლელობა იმდენად რეზონანსული იყო, რომ დაკრძალვაზე სოფელში უამრავი ადამიანი ჩავიდა, მათ შორის, ჯერ კიდევ მოქმედი კომპარტიის გენერალური მდივანი. დამნაშავეები ცხინვალის ავტონომიური ოლქის მილიციამ დააკავა.


დღეს თუთარაშვილის ოჯახს უცხადებენ, რომ ტრაგედია და მსხვერპლი საომარ შეტაკებებს არ უკავშირდება.


,,მოგვთხოვეს ე.წ. ფორმა 501. ეს ცნობა იმ პერიოდში გაიცემოდა. კერძოდ, თბილისიდან გამოგზავნეს კაცი, რომელიც იმ მსხვერპლთა შესახებ ინფორმაციას აგროვებდა, რომლებიც კონფლიქტის დაწყებისას იღუპებოდნენ. ეს პიროვნება მექრთამე აღმოჩნდა, ცნობის გაცემაში ფულს იღებდა. ჩვენ მაშინ ფული არ გვქონდა და ამიტომ ცნობა აღებული არ გვაქვს. ეს გარემოება კი, ამჟამად, ჩვენი სიმართლის დამტკიცებაში ხელს გვიშვლის" - აცხადებს ვახტანგ თუთარაშვილი.


ქართველებისა და ოსების პირველი შეტაკებისას დაღუპულის მშობლები, ამჟამად, წმინდაწყლის კოტეჯში ცხოვრობენ. ვეფხია თუთარაშვილის დედ-მამამ კიდევ ორი შვილი გაზარდეს.


ცოლქმარს 27 წლის წინ მომხდარი ტრაგედიის ტკივილს ამჟამად შვილიშვილები უმსუბუქებენ.

http://www.qartli.ge/ge/akhali-ambebi/article/2470-devnilebisaflavebisgareshe


კონტაქტი Facebook

საიტი შექმნილი და დაფინანსებულია დავით ფეიქრიშვილის მიერ, მოზარდებში ისტორიული ცნობადიბოს გაზრდის მიზნით.

დავით ფეიქრიშვილი
დავით ფეიქრიშვილი ატვირთა: 22.07.2021
ბოლო რედაქტირება 17.06.2023
სულ რედაქტირებულია 4





მფრინავი, პილოტი, აფხაზეთი სამაჩაბლო, გარდაცვლილი ვეტერანი

2 0

შავნაბადას ბატალიონი გარდაცვლილი მებრძოლები, ვეტერანები

2 0

აქვსენტი (ტასო) ნაჭყებია 1963-1993წწ. გარდ. სოხუმი დაბ. სოხუმი აფხაზეთი

7 0


სამაჩაბლო 2008 გარდაცვლილ მებრძოლთა სია ფოტომასალით რეგიონის, ქალაქის, სოფლის მიხედვით.

2 0


სამაჩაბლოში გარდაცვლილი მებრძოლთა სრული სია 01-16 აგვისტო 2008 წელი

2 0

შინაგან საქმეთა სამინისტრო რედ. ირმა ირემაძე

2 0