ტრისტან კვიციანი დაიბადა 1952 წელს გულრიფშის რაიონის სოფელ ლათაში.
საშუალო სკოლის დამთავრების შემდეგ გაიწვიეს საბჭოთა არმიის რიგებში. მსახურობდა საზღვაო სადაზვერვო
შენაერთში ოთხი წლის მანძილზე. დაბრუნდა უმცროსი ლეიტენანტის წოდებით.
სწავლა განაგრძო სოხუმის პედაგოგიურ ინსტიტუტში, პარალელურად მუშაობდა ლათის საშუალო სკოლის სამხედრო მომზადების მასწავლებლად.ეროვნულ მოძრაობაში ჩაება და სოფლის ლიდერი გახდა. ვერ ეგუებოდა ძალადობასა და უხამსობას. უაღრესად სიმართლისმოყვარე იყო. ომის დაწყებისთანავე სოფლის ახალგაზრდობას ჩაუდგა სათავეში და მტერს უღელტეხილები გადაუკეტა. თავის რაზმთან ერთად ბევრი სასიკეთო საქმე გააკეთა. იტყოდა ხოლმე: აფხაზებს ომი მე უნდა დავუმთავროო. აღარ დასცალდა. მტრის მიერ ნასროლმა ნაღმმა იმსხვერპლა სამშობლოზე უსაზღვროდ შეყვარებული ვაჟკაცის სიცოცხლე.
კაპიტან ტრისტან კვიციანის ვაჟი ამჟამად ფოთის საზღვაო ბრიგადაში იხდის სავალდებულო სამხედრო სამსახურს.