პაატა მიქაბერიძე დაიბადა 1960 წლის 17 იანვარს თბილისში.

დაამთავრა ზოოვეტერინალური ინსტიტუტი ზოოინჟინრის სპეციალობით.პატარაობიდანვე ფეხბურთს თამაშობდა.15 წლისა საკავშირო „იუნიორთა“ ნაკრების წევრი გახდა. თბილისის დინამოს სათადარიგო გუნდში ჩარიცხეს.

1976 წ. გარკვეული პერიოდი დინამოს ღირსებას იცავდა. დაჯილდოებულია სიგელებითა და თასებით საკავშირო და

საქართველოს სპორტკომიტეტების მიერ.პაატა ძალიან ენერგიული, შეუპოვარი,სამართლიანი ახალგაზრდა იყო.

საოცრად უყვარდა საქართველო.

საინტერესო გენეალოგია ჰქონდა. მისი დიდი პაპა, გერმანელი, გვარად შტენინგერი, საქართველოში როკის გვირაბის მშენებლობის დროს ჩამოვიდა,მშენებელი ინჟინერი იყო, ცოლად ქართველი ქალი შეირთო. შტოში მამამისი გარი შტენინგერი ზინაიდა სანაკოევაზე დაქორწინდა. თავად ქართველობა ეამაყებოდა და ბებიის გვარი აირჩია, ხანდახან თანამებრძოლებს გაეხუმრებოდა ხოლმე: „მამა გერმანელი მყავს, დედა ოსი, ნეტავ, რატომ ვიკლავ თავს საქართველოს გულისთვისო“.

პაატა მიქაბერიძე საქართველოს შეიარაღებულ ძალებში 1992 წლის ივნისიდან მსახურობდა. ჩარიცხული იყო განსაკუთრებული დანიშნულების ბატალიონში ქვეითთა საბრძოლო მანქანების ოცეულის მეთაურად. საქართველოს ტერიტორიული მთლიანობისთვის იბრძოდა გაგრაში, სადაც ტყვედ აიყვანეს.დაჭრილი პაატა იჯდა გუდაუთის ტქვეთა ბანაკში, სადაც აფხაზი სეპარატისტებისგან მორალურ და ფიზიკურ შეურაცხყოფას განიცდიდა.ტყვეობიდან დაბრუნების შემდეგ გამოჯანმრთელებას არც დაელოდა, ისე დაბრუნდა ბატალიონში და სამაჩაბლოს ტერიტორიაზე სამშვიდობო ძალების შემადგენლობაში განაგრძო სამსახური, მაგრამ აფხაზეთში მიღებულმა ჭრილობებმა და ტრავმებმა გამოასალმა სიცოცხლეს.

დაკრძალულია ავჭალის სასაფლაოზე.

ლეიტენანტი პაატა მიქაბერიძე სიკვდილის შემდეგ დაჯილდოვდა მედლით„საბრძოლო დამსახურებისათვის -