გოგა სანაია დაიბადა 1969 წელს მარტვილის რაიონის სოფელ ლეხაინდრაოში.
მან პატარაობიდანვე ხელოვნებისადმი ნიჭი გამოავლინა. 10 წლისა საბავშვო სამხატვრო სკოლაში სწავლობდა, მერე– მ. თოიძის სახელობის სამხატვრო სასწავლებელში, რომლის დამთვარების შემდეგ ტყვიების დელგმაში გაიარა ავღანეთის ცხელ მიწაზე. სიკვდილი თან დასდევდა და არც ეკარებოდა, რადგან კაენის ხელით ელოდა სიკვდილს მზიურ აფხაზეთში.
1990 წელს სწავლა განაგრძო თბილისის სახელმწიფო სამხატვრო აკადემიაში სახვითი ხელოვნების ფაკულტეტზე, ფერწერის სპეციალობით.სტუდენტობაც ბობოქარი ჰქონდა მუდამ სიცოცხლის მოყვარულ გოგას.
საქართველოს უამრავი მტერი გამოუჩნდა, ადრე ძმებად რომ ვიცნობდით.
იბრძოდა ოსეთში. აფხაზეთში. იყო ბატალიონ „თეთრი არწივის“ მებრძოლი,„ავღანელთა კავშირის“ წევრი.
მესამე კურსის სტუდენტი შეეწირა თავის მშობლიურ მიწას. მტრის ტყვიამ იმსხვერპლა მამულზე უსაზღვროდ შეყვარებული ჭაბუკი. იგი მხოლოდ 24 გაზაფხულს მოესწრო.
გოგა სანაია სიკვდილის შემდეგ დაჯილდოვდა ვახტანგ გორგასლის III ხარისხის ორდენით.
