გენადი ტაბატაძე დაიბადა 1959 წლის 15 ივლისს. დაამთავრა თბილისის 140”ე საშუალო სკოლა.
მუშაობა დაიწყო ტელევიზიაში ხმის
რეჟისორად, შემდეგ მოიხადა სავალდებულო სამხედრო სამსახური. დაამთავრა თბილისის ინდუსტრიული ტექნიკუმი. დაოჯახდა.
სამშობლოს პირველ დაძახებისთანავე სამაჩაბლოს მიაშურა, შემდეგ აფხაზეთის ტრაგედიაც დაიწყო.
1992 წლის 31 დეკემბერს, იგონებს დედამისი, გენადიმ შინ მოიყვანა თანამებრძოლი, რომელსაც ფეხები ჰქონდა მოყინული, მთელი ღამე თავს ევლებოდა ოჯახი, მეორე დღეს მან ავადმყოფი თავის სახლში წაიყვანა და თვითონ ისევ სამაჩაბლოს მიაშურა.
აფხაზეთში ომის დაწყების პირველი დღიდანვე გაეშურა ფრონტის ხაზზე.
ერთ-ერთი შეტაკების დროს მძიმედ დაჭრილი ექიმებს თხოვდა: „მე არა მიშავს, სხვა ბიჭებს მიხედეთ“.
1993 წლის 25 სექტემბერს სოხუმში ფუნიკულიორის დაცვის დროს გმირულად დაიღუპა. დაკრძალულია დიღმის სასაფლაოზე.
ზემდეგი გენადი ტაბატაძე სიკვდილის შემდეგ დაჯილდოვდა ვახტანგ გორგასლის III ხარისხის ორდენით.