ამირან ხუნწარია
საუკუნეების განმავლობაში მშობელი მიწის დასაცავად და საკეთილდღეოდ სიცოცხლეს უყოყმანოდ გაიღებდა ქართველი... ასე ხდებოდა უხსოვარი დროიდან მოყოლებული დღემდე...
1971 წლის 19 ოქტომბერს დაიბადა ამირან ხუნწარია. დაამთავრა გაგრის პირველი საშუალო სკოლა და ჩაირიცხა სოხუმის ინდუსტრიულ ტექნიკუმში.
აფხაზეთის ომმა ლაღი სტუდენტური წლები დაურღვია. სამშობლოს დასაცავად დაირაზმნენ ქართველი ბიჭები. ამირანი ბატალიონ “ავაზაში“ ჩაეწერა.
1993 წლის 11 მარტს ერთ-ერთი ბრძოლის დროს ოჩამჩირის რაიონის სოფელ კვიტოულთან გმირულად დაეცა ბრძოლის ველზე.
დაკრძალეს სოხუმის რაიონის სოფელ ბესლეთში.
ქართველი ვაჟკაცის სიმღერა კი გაისმის მარადჟამს და უკუნისამდე – „...ჩვენ შეიძლება ბრძოლაში მოვკვდეთ, მაგრამ არც მაშინ ვტოვებთ სიცოცხლეს,..“.