გელა ჯანაშვილი სამედიცინო სამსახურის ლეიტენანტი დაიბადა 1965 წლის 16 აგვისტოს ადიგენის რაიონის სოფ. არალში,
მოსამსახურის ოჯახში, აქვე ამთავრებს საშუალო სკოლას და 1983 წელს წარჩინებით აბარებს მისაღებ გამოცდებს თბილისის სამედიცინო ინსტიტუტში. რომლის დამთავრების შემდეგ უბრუნდება მშობლიურ რაიონს და მუშაობას იწყებს დაბა ადიგენის სანიტარულ-ეპიდემიოლოგიურ სადგურში ექიმად.
1992 წელს შედის საქართველოს შეიარაღებული ძალების შემადგენლობაში ლეიტენანტის წოდებით და ინიშნება ახალციხეში დისლოცირებული 22-ე მოტომსროლელი ბრიგადის სამხედრო ლაზარეთში კანისა და ვენერიულ სნეულებათა განყოფილების უფროსად, ხოლო შემდეგ საარტილერიო დივიზიონის სამედიცინო სამსახურის უფროსად.
1993 წელს ივლისის თვეში, როგორც ექიმი, აფხაზეთში მიჰყვება ბრიგადის ბაზაზე დაკომპლექტებულ ასეულს. სადაც იგი უგზო-უკვლოდ დაიკარგა.
დედა მარო ჩილინგარაშვილი რაფიელის ასული დაბადებულია 01 სექტემბერი 1946 წელს, სოფელი არალი, ადიგენი
მამა ლაზარე ჯანაშვილი ქრისტესიას ძე დაბადებულია 02 თებერვალი 1946 წელს არალი გარდაიცავალა 2007 წელს არალში.
ითანამშრომლა დის შვილმა სალომე აკაკის ასულმა გიორგაძემ