დავითაია იური ვლადიმერის ძე დაიბადა 1941 წლის 15 სექტემბერს, აბაშის რაიონის

სოფ. ონტოფოში. ამავე სოფლის საშუალო სკოლის დამთავრების შემდეგ მსახურობდა

საბჭოთა კავშირის სამხედრო სავალდებულო სამსახურში.

1967-72 წლებში სწავლობდა საქართველოს სუბტროპიკული მეურნეობის

ინსტიტუტში. მიღებული აქვს უმაღლესი განათლება სწავლული აგრონომის

სპეციალობით. ინსტიტუტის დამთავრების შემდეგ მუშაობა დაიწყო ქ. სოხუმის

კულტურისა და დასვენების პარკში, ჯერ დირექტორის მოადგილედ, ხოლო შემდეგ

დირექტორის თანამდებობაზე. სადაც მუშაობდა სიცოცხლის ბოლომდე. იყო

დაოჯახებული.

1992 წელს აფხაზ სეპარატისტთა მიერ გაჩაღებულ უსამართლო ომში იური დავითაია

დაინიშნა სოხუმის გარნიზონის სამხედრო კომენდატურაში ოცმეთაურად. მისი

საომარი მოქმედებები გამოირჩეოდა ორგანიზებულობითა და მტრის მიმართ

შეურიგებელი პოზიციით. 1993 წლის ივლისის შემოტევების დროს იყო დაჭრილი

მსუბუქად. გამოჯანმრთელების შემდეგ ისევ ჩაება საბრძოლო მოქმედებებში და 1993

წლის სექტემბერში სოხუმის დაცემის დროს გმირულად დაიღუპა. დაასაფლავეს ქ.

სოხუმში. ამჟამად, საფლავი დაკარგულია.