ლუი გახარია დაიბადა 1937 წლის 1 აგვისტოსქ. სოხუმში.
როგორც კი მშობლიურ მიწაზე ცეცხლის ალი ავარდა, ლუის ვაჟიშვილი გახარია კონსტანტინე უყოყმანოდ ჩადგა მამულის დამცველთა რიგებში. მამის გული ვერ ისვენებდა, ვერ ჩერდებოდა სახლში, მუდამ ჭიშკართან იდგა და ელოდებოდა შვილს. ბოლოს კი გადაწყვიტა თვითონ ჩაბმულიყო ამ ომში. 1993 წლის მარტის თვიდან გახარია ლუი ჩაირიცხა მეორე საარმიო კორპუსის 23-ე ბრიგადის მე-8 ბატალიონში რიგით მებრძოლად. აქტიურ მონაწილეობას ღებულობდა ბატალიონის მიერ ჩატარებულ ყველა საბრძოლო ოპერაციებში.
1993 წლის 17 სექტემბერს სოხუმის რაიონის სოფელ იაშთხვაში მიმდინარე ბრძოლისას მძიმედ დაიჭრა.დაძაბული მდგომარეობის გამო ექიმები დახმარებას საკუთარ სახლში უწევდნენ. შვილის დაღუპვის, ერთი კვირის შემდეგ 27 სექტემბერს აფხაზმა სეპარატისტებმა ძლიერ აწამეს და ცოცხლად დაწვეს საკუთარ სახლში. 28 სექტემბერს მეზობლების დახმარებით მისი ფერფლი საკუთარ ეზოში შვილის გვერდით მიაბარეს.
საქართველოს მთლიანობისათვის ბრძოლაში დაღუპულ მებრძოლთა სულთა რიგებს მამა-შვილი გახარიები შეუერთდა.