თემურ ხასაია გიორგის ძე დაიბადა 1962 წლის 20 აგვისტოს სოხუმის რაიონის სოფ. იაშთხვაში. მშობლიურ სოფელში დაამთავრა საშუალო სკოლა, შემდეგ კი დაამთავრა ტექნიკური სასწავლებელი.

    თემურ ხასაია გამოირჩეოდა, როგორც სიცოცხლის მოპყვარული, იყო თავმდაბალი და მორიდებული. უყვარდა ოჯახი და ეამაყებოდა თავისი ვაჟიშვილებით: გია და ლევანით.

    თემურ ხასაია საქართველოს თვდაცვის სამინისტროს მეორე საარმიო კორპუსის 23-ე ბრიგადის პირველი მოტომსროლელთა ბატალიონის რიგებში ირიცხებოდა 1992 წლის 4 დეკემბრიდან.

   1993 წლის 10 სექტემბრიდან ზემდეგი თ. ხასაია მსახურობდა შსს შინაგანი ჯარების მე-2 მოტომსროლელ ბატალიონში.

   აფხაზეთის ტეროტორიაზე საბრძოლო მოქმედებების დროს, მან თავი გამოიჩინა, როგორც საქართველოს მთლიანობისა და დამოუკიდებლობისათვის  თავდადებულმა მებრძოლმა. მონაწილეობას ღებულობდა ბატალიონის მიერ  განხორციელებულ ყველა საბრძოლო ოპერაციებში. იყო თავგამოდებული მეომარი. საკუთარი სიცოცხლის ფასად უფრთხილდებოდა თანამებრძოლებს, განსაკუთრებით თავი გამოიჩინა, როცა  მტერმა მის მშობლიურ სოფელ იაშთხვას შეუტია, უმძიმდა უკან დახევა, ერთი წუთითაც არ მიუტოვებია პოზიცია და  გმირულად დაეცა საკუთარი სოფლის მისადგომებთან. იმ საბედისწერო 1993 წლის 22 სექტემბერს  მტრის ყუმბარმტყორცნიდან ნასროლმა ჭურვის ნამსხვერმა იმსხვერპლა მამაცი მეომარი. პოზიციიდან გამოასვენეს და გულრიფშის რაიონში დაკრძალეს ერთგული თანამებრძოლების საშუალებით.

მარინა ნაჭყებია დ.1956წ. აფხაზეთის მებრძოლთა მკვლევარი დ. სოხუმი აფხაზეთი

< >