მე-2 საარმიო კორპუსი 23-ე ბრიგადა მე-2 ბატალიონი "წიგნიდან საქართველოსთვის"
ბადრი ნოდარის ძე საჯაია დაიბადა 1973 წლის 23 აპრილს გულრიფშის რაიონში.
აფხაზეთში მიმდინარე საომარი მოქმედებების დროს, ბადრი საჯაია ირიცხებოდა საქართველოს რესპუბლიკის თავდაცვის სამინისტროს მე-2 საარმიო კორპუსის 23-ე მექანიზირებული ბრიგადის მე-2 მოტომსროლელი ბატალიონის პირადი შემადგენლობის რიგებში,დაზვერვის ოცეულის მზვერავად. მონაწილეობდა ბატალიონის მიერ ქალაქ სოხუმში,მდინარე გუმისთის მისადგომებთან წარმოებულ საომარ მოქმედებებში.
1993 წლის 24 სექტემბერს,ახალი დასახლების ტერიტორიაზე,პროფესიულ-ტექნიკური სასწავლებლის შენობაში გამაგრებული მტრის წინააღმდეგ დაგეგმილი ოპერაციის განხორციელების დროს, რიგითი ბადრი საჯაია დაჭრილი თანამებრძოლის გამოყვანისას სასიკვდილოდ დაიჭრა და გარდაიცვალა.
ბადრი საჯაია დაკრძალულია საცხოვრებელი კორპუსის ეზოში.