პარმენ და ვალია რაფავების ოჯახი განახლებაში ერთერთი ღირსეული და გამორჩეული ოჯახი იყო. ბატონი პარმენი დამსახურებული აგრონომი, დიდი სამამულო ომის ვეტერანი.
ქალბატონი ვალენტინა დამსახურებული მასწავლებელი, რომელიც მუშაობდა განახლების საშუალო სკოლაში დაწყებითი კლასების მასწავლებლად. თავისი საქმის მცოდნე და შესანიშნავი პედაგოგი .ვალია მასწავლებელს ყოველთვის გამორჩეულად წარმატებული კლასი ჰყავდა, რაც მისი მაღალი პროფესიონალიზმის მაჩვენებელი იყო.
მათ ხუთი შვილი აღუზარდეს ქვეყანას. ხუთივე უმაღლესი განათლებით. ელისო(ექიმ-პედიატრი), რაული (ინჟინერ-ქიმიკოსი, ქიმიის მეცნიერებათა კანდიდატი), ლუარა(ბიოლოგიის მეცნიერებათა დოქტორი, პროფესორი), იზოლდა ინჟინერ-ფიზიკოსი და ინეზა ექიმ- სტომატოლოგი. ელისო, ლუარა და იზოლდა მოღვაწეობდნენ თბილისში, რაული და ინეზა კი სოხუმში.
რაფავების ოჯახი დიდი პატისცემითა და სიყვარულით სარგებლობდა არამარტო სოფელში, არამედ რაიონშიც. მათ იმდენად ბედნიერი ოჯახი ჰქონდათ, რომ აფხაზეთში განვითარებულ მოვლენებამდე ცოტა ხნით ადრე მადლიერმა შვილებმა მშობლებს თანაცხოვრების ოქროს ქორწილიც კი გადაუხადეს. ხარობდნენ წარმატებული შვილებითა და შვილიშვილებით. მათი ერთერთი შვილიშვილი(ლუარას შვილი) კახა იმნაძე 1990-2003 წლებში საქართველოს სამთავრობო სამსახურში იყო. 2013 წლიდან კი მუშაობს გაეროში საქართველოს მუდმივ წარმომადგენლად, საგანგებო და სრულუფლებიან ელჩად.
მეორე შვილიშვილი(რაულის უმცროსი შვილი)ოლიკო წარმატებული ექიმ-პედიატრია.
1992 წლიდან კი ამ ბედნიერ ოჯახს დიდი უბედურება დაატყდა. ჯერ რაულის უფროსი შვილი ინგა, რომელიც სწავლობდა რუსეთში, კრასნოიარსკის სამედიცინო ინსტიტუტში, მანიაკმა გამოასალმა სიცოცხლეს, შემდეგ კი აფხაზეთში განვითარებული ეთნოკონფლიქტი.
რაულმა ვერ მიატოვა მოხუცი დედ–მამა და დარჩა სოფელში, რაც საბედისწერო აღმოჩნდა მათთვის. აფხაზებმა მშობლების თვალწინ საშინელი წამებით მოკლეს რაული და ბოლოს ისინიც სადისტური საწებით გამოასალმეს სიცოცხლეს
ითანამშრომლა შორენა გოროზია ამირანის ასული. დაბ: 1975 წ. სოფ. განახლება გულრიფში
