ყველა ეკლესია

დირბი (ქარელი) ღვთისმშობლის მიძინების დედათა მონასტერი

სულ რაოდენობა: 8

ბმულის კოპირება

დირბის ღმრთისმშობლის მიძინების ტაძარი შიდა ქართლში ფრონის ხეობაში მდებარეობს და ის მე-10 საუკუნეშია აშენებული, დაახლოებით 957-967 წლებში,  აფხაზთა მეფის - ლეონ მესამის ზეობისას. ვახუშტი ბატონიშვილის ცნობით დვანის წყლის ,,დასავლით კიდესა არს დირბს მონასტერი, სადაც ზის არქიმანდრიტი იერუსალემის  ჯვარის მონასტრისა. არამედ მეფენი ქართლისანი დასმენ ქართველთა, და ყოველსა საქართველოსა შინა არს მამული მისი, და ჰფლობს ესე, და მოსავალს გზავნის ვერცხლად  იერუსალემს“  -  ამ ამონარიდიდან ვიგებთ, რომ დირბის მონასტერი იერუსალიმის ჯვრის მონასტრის მეტოქი (მონასტრის კუთვნილი დაქვემდებარებული ეკლესია მამულით) იყო და მას ჯვრის მონასტრის აქიმანდრიტი განაგებდა.  მეტოქის მიწებზე მოწეული მოსავალი აქვე საქართველოში იყიდებოდა, თანხა კი იერუსალიმში იგზავნებოდა. ეს ურთერთობა იერუსალიმის საპატრიარქოსა და დირბის ღმრთისმშობლის მონასტერს შორის მე-20 საუკუნის 30-იან წლებამდე გაგრძელდა. 

დირბის ღვთიმშობელი მე-14-ე საუკუნის ფრესკა.

დირბის ღვთისმშობლის მიძინების ტაძარი  გამოირჩევა თავისი უნიკალური მოხატულობითაც - 2003 წელს დირბის ღმრთისმშობლის მიძინების სახელობის ტაძარსა და სამრეკლოს ჩაუტარდა რესტავრაცია. ტაძარში მოიხსნა ნალესი ფენა, რის  შემდეგაც გამოჩნდა XIV საუკუნის უნიკალური ფრესკები. დირბის ტაძრის მოხატულობა იმ პერიოდში ფართოდ გავრცელებულ პალეოლოგოსთა მხატვრულ სტილს მიეკუთვნება, რომელიც  XIII საუკუნის დასაწყისში ჩამოყალიბდა ბიზანტიის სულიერი კულტურის ცენტრებში - მათ შორის საქართველოშიც.  

მხატვრობის ძირითადი ნაწილი ღმრთისმშობლის ცხოვრების ამსახველ ციკლს ეთმობა, მათ შორის არის უნიკალური ფრესკა ,,იოსების ყვედრება”, სადაც  გამოსახულია დედობრივი სითბოთი სავსე ,,დირბის  ღმრთისმშობელი” (ხსენება 13 აგვისტოს) - მიდგომილი, რომელიც განსაკუთრებულად ცნობილი გახდა, არა მხოლოდ თავისი მხატვრული ღირებულებით, არამედ, მორწმუნეთა მიმართ, თავისი სასწაულებრივი შემწეობითაც და დღესდღეობით  მასთან მომლოცველთა დიდი ნაკადი მიედინება როგორც საქართველოდან, ისე საზღვარგარეთიდან. 

ღვთიმშობლის შობა ტაძრის მოხატულობა.

დირბის ღვთისმშობლის ტაძარი ერთ-ერთია იმ ისტორიულ და სულიერ კერათაგან, რომელიც რუის-ურბნისის ეპარქიაში უკანასკნელი ათწლეულის მანძილზე აღსდგა მროველ-ურბნელი მიტროპოლიტის, მეუფე იობის (აქიაშვილი) ლოცვა-კურთხევით,   ის ეპარქიის მრავალი  სხვა ტაძარის მსგავსად ,,მიწიდან ამოიზიდა“ ამ სიტყვის პირდაპირი გაგებით.  

       2000 წლის 31 აგვისტოს მიტროპოლიტმა იობმა (აქიაშვილი) აკურთხა დირბის ღვთისმშობლის მიძინების სახელობის განახლებული ტრაპეზი. ტაძრის წინამძღვარი იყო მღვდელმონოზონი (შემდგომში იღუმენი) იოანე ოხანაშვილი.

ტაძრის რესტავრაცია განხორციელდა ფონდი ,,ქართუ“-ს დაფინანსებით,  საქართველოს კულტურისა და ძეგლთა დაცვის სამინისტროს მიერ - შესაბამისი სპეციალისტების ჩართულობით. სრულად გაიწმინდა ტაძარი, ჩატარდა შესაბამისი გამაგრებითი სამუშაოები, მოიხსნა ნალესი ფენა და კონსერვაცია ჩაუტარდა ტაძრის უნიკალურ ფრესკებს - (2003 წ.)

2002 წლის პირველ მაისს მეუფე იობის ლოცვა კურთხევით,  დირბში დაარსდა დედათა  მონასტერი.

2004 წლის 24 ივლისიდან მონასტრის პირველ წინამძღვრად დაინიშნა სამონაზვნე ბარბარე (ივანიშვილი).

2005 წლიდან 2006 წლის 31 დეკემბრამდე მონასტრის წინამძღვარი იყო მონოზონი სესილია (შავდათუაშვილი)

2007 წლის 13 თებერვლიდან  დღემდე მონასტრის წინამძღვარია იღუმენია ნატალია - ხახუტაიშვილი.

2008 წელს 3 ივნისს მეუფე იობმა აკურთხა წმინდა ბარბარეს სახელობის განახლებული ტრაპეზი, რომელიც მდებარეობს ტაძრის სამხრეთ მინაშენში. 

2010 წელს გამოიცა  ღვთისმშობლის მიძნებისა და დირბის ღვთისმშობლის პარაკლისები, რომლებიც მონასტერშია შედგენილი.

2015 წლის 13 აგვისტოს პირველად მოხდა დირბის ღვთისმშობლის დღესასწაულის საზეიმო აღნიშვნა, ამავე თარიღთან დაკავშირებით დაიწერა დირბის ღვთისმობლის დაუჯდომელი. რომელიც უკვე ნათარგმნია საეკლესიო სლავურ და სერბულ ენაზე. იგეგმება მისი თარგმნა ინგლისურ ენაზეც.

მონასტერში მოედინება მომლოცველთა დიდი ნაკადი, არსებობს მომლოცველთა ჩანაწერების რვეულებიც, სადაც ადამიანები ჰყვებიან მათ ცხოვრებაში დირბის ღვთისმშობლის სასწაულებრივი მფარველობის ამბებს. ასეთი ჩანაწერი ათასობითაა და დღითი დღე მრავლდება. 

ოხანაშვილი იოანე - იღუმენი.  წინამძღოლი: სარკის წმ. გიორგის მონასტერი (XVII ს.) 2005წ. 2000წ. მდგომარეობით მღვდელმონაზონი სრულად ნახვა ოხანაშვილი იოანე იღუმენი, წინამძღოლი: სარკის წმ. გიორგის მონასტერი (XVII ს.) 2005წ. ურბნისისა და რუისის ეპარქია, მოსახსენებელი 2008წ. გვ.55 2000 წლიდან მამა იოანეს (ოხანაშვილი) კურთხევით დირბის ღვთისმშობლის მიძინების ტაძარში სტიქაროსნად ვმსახურობდი.

კაკიაშვილი ბასილი (ბესიკ) მერაბის ძე - არქიმანდრიტი. დაბ. 1979წ.   ხაშური, წინამძღვარი.  2012 წლის 07 ოქტომბერს დაჯილდოვდა არქიმანდრიტის წოდებით; 2001წ. მდგომარეობით არქიმანდრიტი სქემმღვდელმონაზონი სრულად ნახვა კაკიაშვილი ბასილი (ბესიკ) მერაბის ძე არქიმანდრიტი დაბ. 1979წ. ხაშური, წინამძღვარი. წიფლოვანა (ქარელი) მამათა მონასტერი რუის-ურბნისის ეპარქია 2025წ. მდგომარეობით. საპატრიარქოს უწყებანი N36 25-31 ოქტომბერი 2012წ გვ.7 დაჯილდოება 7 ოქტომბერს თბილისის ყოვლადწმინდა სამების სახელობის საპატრიარქო ლავრაში სრულიად საქართველოს კათოლიკოს-პატრიარქმა, უწმინდესმა და უნეტარესმა ილია II-მ დააჯილდოვა სამღვდელოება:  არქიმანდრიტის წოდებით -–- იღუმენი გაბრიელი (იმედაიშვილი), იღუმენი ბასილი (კაკიაშვილი), იღუმენი ზენონი (სანოძე); ოქროს ჯვრითა და იღუმენის წოდებით --  მღვდელ-მონაზონი ანთიმოზი (არუნაშვილი),  მღვდელ-მონაზონი თადეოზი (მჭედლიშვილი), მღვდელ-მონაზონი იოსები (მაჩაიძე), მღვდელ-მონაზონი ონოფრე (კვინიკაძე); მიტრით -– დეკანოზი იაკობ ჩოჩნიძე, დეკანოზი კახაბერი ფირანიშვილი; ოქროს ჯვრითა და დეკანოზის წოდებით - მღვდელი დავით ჯიშკარიანი.

ივანიშვილი ბარბარე - სქიმმონოზონი. 2004-2005წ. წინამძღვარი სამონაზვნე სრულად ნახვა ივანიშვილი ბარბარე სამონაზვნე წინამძღვარი: დირბის ღვთისმშობლის მიძინების მონასტერი (XVI-XVII სს.) 2005წ. ურბნისისა და რუისის ეპარქია 2004 წლის 24 ივლისიდან მონასტრის პირველ წინამძღვრად დაინიშნა სამონაზვნე ბარბარე (ივანიშვილი).

შავდათუაშვილი სესილია - მონაზონი. ბოლნისის, წმინდა ეფრემ ასურის სახელობის დედათა მონასტრის წევრი 2005-2006წ. წინამძღვარი მონაზონი სრულად ნახვა შავდათუაშვილი სესილია მონაზონი, ბოლნისის, წმინდა ეფრემ ასურის სახელობის დედათა მონასტრის წევრი. ბოლნისის  ეპარქია, მოსახსენებელი 2008წ. გვ.39 2005 წლიდან 2006 წლის 31 დეკემბრამდე დირბის მონასტრის წინამძღვარი იყო მონოზონი სესილია (შავდათუაშვილი)

ხახუტაიშვილი ნატალია - იღუმენია. 2011 წლის 27 იანვარს დაჯილდოვდა:  ოქროს ჯვრით: დირბის ყოვლადწმინდა ღვთისმშობლის მიძინების სახელობის დედათა მონასტრის წინამძღვარი. 2007-2025წ. წინამძღვარი იღუმენია სრულად ნახვა ფოტო აღებულია 15.05.2008 კარიბჭის სტატია: ფრონეს ხეობა. 2007 წლის 13 თებერვლიდან  დღემდე დირბის დედათა მონასტრის წინამძღვარია იღუმენია ნატალია - ხახუტაიშვილი  საპატრიარქოს უწყებანი N6 10-16 თებერვალი 2011წ გვ.4 დაჯილდოება  27 იანვარს ბოდბის წმინდა ნინოს სახელობის დედათა მონასტერში სრულიად საქართველოს კათოლიკოს-პატრიარქმა, უწმინდესმა და უნეტარესმა ილია II-მ ნინოობის დღესასწაულთან დაკავშირებით დააჯილდოვა რუისისა-ურბნისის ეპარქიაში მოღვაწე მონაზვნები. დაჯილდოება ოქროს ჯვრით: რუისის ყოვლადწმინდა ღვთისმშობლის მიძინების სახელობის დედათა მონასტრის წინამძღვარი, მონაზონი ემილია (შუბლაძე); დირბის ყოვლადწმინდა ღვთისმშობლის მიძინების სახელობის დედათა მონასტრის წინამძღვარი, მონაზონი ნატალია (ხახუტაშვილი);  ხაშურის წმინდა გიორგის სახელობის დედათა მონასტრის წინამძლვარი, მონაზონი ევგენია (ჟორდანია); ხაშურის წმინდა მარინეს სახელობის დედათა მონასტრის წინამძღვარი, მონაზონი მარინე (რაზმაძე); სურამის მაცხოვრის ამალლების სახელობის დედათა მონასტრის წინამძღვარი, მონაზონი თამარი (ფიჩხაია);  სურამის იობ მრავალტანჯულის სახელობის დედათა მონასტრის წინამძღვარი, მონაზონი ელისაბედი (სიხაშვილი); სომანეთის ყოვლადწმინდა ღვთისმშობლის ტაძრად მიყვანების სახელობის დედათა მონასტრის წინამძღვარი, მონაზონი მაკრინე (ჯვარისაშვილი); ბრეთის წმინდა გიორგის სახელობის დედათა მონასტრის წინამძღვარი, მონაზონი ანგელინა (ოსაძე).   ფოტო მაია ჩხეაიძის. დირბის „მიდგომილ ღვთისმშობელს“, რომლის მსგავსი გამოსახულებაც ძალზედ იშვიათია მართლმადიდებლურ სამყაროში, მრავალი სასწაული უკავშირდება. მათ შესახებ “ამბიონს” დირბის დედათა მონასტრის წინამძღვარი იღუმენია ნატალია (ხახუტაიშვილი) უამბობს: „ღვთისმშობლის გამოსახულება სცენის დანარჩენ ნაწილთან შედარებით კარგადაა შემონახული. როგორც ამბობენ, ტაძრის კედლებიდან ნალესი ფენის მოხნისას პირველად სწორედ თითქმის უვნებელი დირბის ღმრთისმშობლის გამოსახულება გამოჩნდა, როგორც ნიშანი იმისა, რომ არც ნალეს ფენას, არც დროს, არც ბოროტის მსახვრალ ხელსა და ძალაუფლებას არ შეუძლია ადამიანების გულებიდან ამოშალოს ღვთის სიყვარული და სასოება. დირბის ღმრთისმშობელი გახლავთ ღვთისმშობლის უიშვიათესი გამოსახულება, რომელიც უნიკალურია თავისი შესრულების მანერითა და განსაკუთრებული სიფაქიზით. ფრესკიდან დაიწერა რამდენიმე ხატი, რომლებიც მონასტერშია დაბრძანებული. დირბის მიდგომილი ღვთისმშობელი წყაროა მრავალი სასწაულისა, რომელიც მასთან თხოვნით მისული რწმენით აღსავსე ადამიანებისათვის ოდითგანვე აღსრულდებოდა, ღვთისმშობლის მოწყალების ნაკადული დღემდე გადმოსჩქეფს და სასწაულები გრძელდება… დირბის ღვთისმშობელი, უპირველეს ყოვლისა, უშვილოთა და ორსულთა შემწეა და სწორედ ამიტომ მასთან გულმხურვალე ვედრებით უწყვეტად მოედინება შვილიერების მოსურნე წყვილთა ნაკადი. მათგან უმეტესობა, გარკვეული პერიოდის შემდეგ, კვლავ ბრუნდება მასთან – ნაცვლად ტკივილისა უკვე მადლიერებით აღსავსე თვალებით. მონასტერმა 2010 წელს გამოსცა დირბის ღვთისმშობლის პარაკლისი, რომლიც აქვეა შედგენილი. უშვილო წყვილთა შემწეობისათვის მონასტერში იქსოვება სარტყელი უშვილოთათვის. სარტყელს, რა თქმა უნდა, სიმბოლური დატვირთვა აქვს და უკავშირდება უშვილოთა და ფეხმძიმეთა შემწე დირბის ღვთისმშობელს. იგი წყვილებს მის მეტ სასოებასა და რწმენას შთაუნერგავს. ტაძრის მოლოცვისა და სარტყელის გამოყენების შემდეგ არაერთი უშვილო გამხდარა დირბის ღვთისმშობლის შეწევნისა და წყალობის ღირსი.”

მჟავია ბარბარე - სქიმმონაზონი. გარდ. 03 ნოემბერი 2012წ. 2012წ. ღვთივგანისვენა სქიმმონაზონი სრულად ნახვა ფოტო მაია ჩხაიძის. ფოტოს ლინკი

კორინთელი ზინობია - სქემმონოზონი. 2020წ. -იანი წლები სქემმონოზონი სრულად ნახვა ფოტო მაია ჩხაიძის.

ჩხაიძე ელისაბედი - მონაზონი. 2025წ. მდგომარეობით მონაზონი სრულად ნახვა ფოტო მაია ჩხაიძის.

ეკლესიის მსახურნი და შემწირველნი