სულ ვიზიტორი : 61033445238
განთავსებული სტატია : 10823

მთავარი იუბილარი/ ხსენება

მეფე/პატრიარქი/წმიდანები/სინოდი
 თეოფანე ლუკას ძე კალანდარიშვილი 1873-1968წწ  მღვდელი დაბ.სენაკი  თეოფანე ლუკას ძე კალანდარიშვილი 1873-1968წწ  მღვდელი დაბ.სენაკი

1873-1968 წწ. გარდ. 95 წლის

ბმულის კოპირება



გვარი კალანდარიშვილი სია

სენაკი გამოჩენილი ადამიანები სრული სია

221       ბეჭდვა

თეოფანე ლუკას ძე კალანდარიშვილი 1873-1968წწ მღვდელი დაბ.სენაკი


მღვდელი თეოფანე ლუკას ძე კალანდარიშვილი

დაიბადა 08 მარტი 1873 წელს სენაკში. 1898 წელს დაამთავრა თბილისის სასულიერო სემინარია. 1898 წლიდან გარდაცვალებამდე სენაკის ეკლესიის წინამძღვარია. ოჯახი ცხოვრობდა სენაკში რუსთაველის ქ. N 23.

თეოფანე კალანდარიშვილი დაიბადა 1873 წლის 8 მარტს სენაკში მღვდლის ოჯახში. პირველდაწყებითი განათლება სენაკის ორკალასიან სასწავლებელში მიიღო და სწავლა გააგრძელა სამეგრელოს სასულიერო სასწავლებელში, რომელიც 1892 წელს დაამთავრა. იმავე წელს თბილისის სასულიერო სემინარიაში ჩააბარა და 1898 წელს დაამთავრა.

     1898 წლის 8 ნოემბერს გურია-სამეგრელოს ეპისკოპოსმა ალექსანდრემ (ოქროპირიძე) დიაკვნად აკურთხა, ამავე წლის 18 ნოემბერს გორის ეპისკოპოსმა ლეონიდემ (ოქროპირიძე) მღვდლად დაასხა ხელი და ოჩხომურის მაცხოვრის ტაძარში განამწესა. ოჩხომურში მან თავისი სახსრებით დააარსა სამრევლო-საეკლესიო სკოლა, სადაც საღვთო სჯულსა და გალობას თავადვე ასწავლიდა.

     1901 წელს, პირადი თხოვნის საფუძველზე, ქვემო თეკლათის მთავარანგელოზთა ტაძარში განამწესეს და საგვერდულით დაჯილდოვდა. 1905 წლის 1 მარტს სკუფია უბოძეს. პარალელურად სენაკის საქალებო პროგიმნაზიასა  და ნორმალურ ორკლასიან სასწავლებელში საღვთო სჯულსა და გალობას ასწავლიდა.

     1906-1922 წლებში გურია-სამეგრელოს ეპარქიის ნოსირის ოლქის მთავარხუცესად დაინიშნა და 1908 წლის 6 მაისს კამილავკა ეწყალობა.

      თეოფანე კალანდარიშვილი წლების მანძილზე სამეგრელოს სასულიერო სასწავლებელში სასულიერო გამომძიებლად მუშაობდა. იყო გურია-სამეგრელოს ეპარქიის სამმართველოსა და ეპარქიალური სამრევლო-საეკლესიო სკოლების კომიტეტის წევრი, სადაც თორმეტწლიანი დამსახურებული მოღვაწეობისთვის წმ. ანას III ხარისხის ორდენით დაჯილდოვდა. 1912 წლის 15 მაისს სამკერდე ოქროს ჯვარი მიიღო.

     1921 წელს ჭყონდიდელმა მიტროპოლიტმა ამბროსიმ (ხელაია) დეკანოზის წოდება მიანიჭა და ენქერით დააჯილდოვა, ხოლო 1922 წელს ცხუმ-აფხაზეთის ეპისკოპოსმა იოანემ (მარღიშვილი) გულრიფშის წმინდა გიორგის ტაძრის წინამძღვრად განამწესა. 1931 წელს, როდესაც ამ მხარეში ყველა ეკლესია დაიკეტა, მამა თეოფანე იძულებული გახდა  ცხაკაიაში (კომუნისტებმა  სენაკს სახელი გადაარქვეს) დაბრუნებულიყო. მაგრამ, მღვდელმსახურება არ შეუწყვეტია და სადაც მოუხერხდებოდა ყველგან აღასრულებდა საეკლესიო წესებსა და ღვთისმსახურებას, მიუხედავად იმისა, რომ ოფიციალურად არსად არ იყო განწესებული.

        1951 წლის 26 მაისიდან მამა თეოფანე ბათუმის წმინდა ნიკოლოზის საკათედრო ტაძარს მიაწერეს. XX საუკუნის 50-იან წლებში მიტრით დაჯილდოვა. 1955 წლიდან, როდესაც ფოთის ივერიის ღვთისმშობლის ხატის სახელობის სამლოცველო იკურთხა, მამა თეოფანე ამ ტაძარზე იქნა მიწერილი.

     1963 წლის 4 აპრილს მამა თეოფანე გამშვენებული ჯვრით დაჯილდოვდა და სიკვდილამდე რამდენიმე წლით ადრე, კათოლიკოს-პატრიარქმა ეფრემმა (სიდამონიძე) დეკანოზი ერთგული და ხანგრძლივი სამსახურისთვის წმინდა გიორგის III ხარისხის ორდენით დააჯილდოვა.

      დეკანოზი თეოფანე გარდაიცვალა 1968 წელს ქალაქ ცხაკაიაში, სადაც სიცოცხლის ბოლო წლები გაატარა.

ორგანიზაციის, ასოციაციის ან ჯგუფის წევრი

  • ქართველთა შორის წერა-კითხვის გამავრცელებელი საზოგადოება, საზოგადოების ქვიანის ბიბლიოთეკის გამგე (1908-)
  • ქართველთა შორის წერა-კითხვის გამავრცელებელი საზოგადოება, საზოგადოების სენაკის განყოფილების წევრი (1912-)

ჯილდოები, პრემიები და პრიზები

  • 1912 - სამკერდე ოქროს ჯვარი
  • წმინდა გიორგის III ხარისხის ორდენი
  • წმინდა ანას III ხარისხის ორდენი

კონტაქტი Facebook

საიტი შექმნილი და დაფინანსებულია დავით ფეიქრიშვილის მიერ, მოზარდებში ისტორიული ცნობადიბოს გაზრდის მიზნით.

დავით ფეიქრიშვილი
დავით ფეიქრიშვილი ატვირთა: 25.10.2023
ბოლო რედაქტირება 05.11.2023
სულ რედაქტირებულია 3





მოიძიე გვარით, სასულიერო პირები, 5000-ზე მეტი ანბანის მიხედვით

2 0

საქართველოს მმართველები უძველესი დროიდან დღემდე

2 0

15000 მდე ქართული გვარი საქართველოში ქალაქების და სოფლების მიხედვით

1 0

იპოვე შენი გვარი და გაეცანი სად ცხოვრებენ მოგვარეები

საქართველოს მმართველები ძვ. წთ XII-VIII საუკუნის დასაწყისიდან დღემდე

1 0


საქართველოს მეფეები ძვ.წლ. IV-1810 წლები სულ 98 მეფე მეფობის პერიოდი მიახლ 2150 წელი

1 0


3300 გვარი ქართლში ქალაქების და სოფლების მიხედვით

1 0