1894 წლიდან მუშაობდა მასწავლებლად პანკისის სკოლაში; 1897-1899წწ. სოფელ ხაშმის (გარე კახეთი) სკოლაში; 1899 წლის დეკემბრიდან ქ. კავკავის ქართულ სკოლაში. 1902-1904წწ. ხელმძღვანელობდა კავკავის სცენის დასს. ბეჭდავდა წერილებს და მოთხრობებს გაზეთ "სხივში", "მოამბეში", "ცნობის ფურცელში", "ივერიაში", ჟურ-გაზეთებში: "საფრანგეთის წარსულიდან", "იტალიის წარსულიდან", "გერმანიის წარსულიდან", "ირლანდიის წარსულიდან" და სხვა. 1916 წლიდან მუშაობდა "სახალხო გაზეთის" რედაქტორად და მდივნად; 1919-1921წწ. ფინანსთა სამინისტროში, მინისტრის საბჭოში; 1921-1923წწ. სამხედრო სტამბაში კორექტორად; 1923-1924წწ. მთარმგნელად გაზეთ "კომუნისტის" რედაქციაში. 1925 წლიდან დანიშნეს ფინანსთა კომისარიატის თარჯიმნად; 1926 წლიდან მუშაობდა ფინანსთა განყოფილებაში რევიზორ-ინსტრუქტორის თანამდებობაზე. მწერალ იროდიონ ევდოშვილის დის ქმარი.

წყარო: მწერალთა ავტობიოგრაფიები: წ.1 –  თბ., 2013.-გვ.245

• ქართველთა შორის წერა-კითხვის გამავრცელებელი საზოგადოება, ნამდვილი წევრი (1911-)
• ქართველთა შორის წერა-კითხვის გამავრცელებელი საზოგადოების თბილისის განყოფილება, წევრი (1918-)
• ქართველთა შორის წერა-კითხვის გამავრცელებელი საზოგადოების თბილისის განყოფილების მუდმივი, წევრი (1920-)

• საიდუმლო კუნძული : რომანი (მთარგმნელი). - თბილისი, ბაკურ სულაკაურის გამ-ბა., 2010. - 356გვ.. - ISBN: 9789994042562
• კაპიტან გრანტის შვილები (მთარგმნელი). - თბილისი, პალიტრა L, 2009. - 528გვ.. - ISBN: 9789994042449
• 80000 კილომეტრი წყალქვეშ : რომანი (მთარგმნელი). - თბილისი, ნაკადული, 1995. - 319გვ.
• http://www.nplg.gov.ge/bios/ka/00014824/