ბაგრატ ბატონიშვილი (ბაგრატიონი) (დ. 8 მაისი 1776, თელავი — გ. 1841, პეტერბურგი) — ქართლ-კახეთის უკანასკნელი მეფის გიორგი XII-ის ძე.
უდიდესი წვლილი შეიტანა ნიახურის ბრძოლაში 1800 წელს ომარ ხანის დამარცხებაში
1803 წელს ოჯახით გაასახლეს პეტერბურგში, სადაც გარდაცვალებამდე ცხოვრობდა. დაწერილი აქვს ისტორიული თხზულებები: "ახალი მოთხრობა", "რუსეთ-სპარსეთის ომი...". პირველი წარმოადგენს ბაგრატ ბატონიშვილის ძმის დავით ბატონიშვილის თხზულების გაგრძელებას. ავტორი ქრონოლოგიური თანამიმდევრობით გადმოსცემს საქართველოს ისტორიულ მოვლენებს XVIII საუკუნის შუა წლებიდან XIX საუკუნის 40-იან წლებამდე. თხზულება გამსჭვალულია უკმაყოფილებით რუსეთის მთავრობის ქართლ-კახეთის სამეფოს გაუქმების გამო. ბაგრატ ბატონიშვილს ეკუთვნის აგრეთვე ვეტერინარული და ეკონომიკური ხასიათის შრომები. მისი ვეტერინარიის შრომებიდან განსაკუთრებით აღსანიშნავია "სამკურნალო ცხენთა და სხვათა პირუტყვთა", რომლებიც გამოიცა 1818 წელს პეტერბურგში და წარმოადგენს პირველ ქართულ წიგნს ვეტერინარიაში. 1807 მანვე შეადგინა ცხენის დაავადებათა სამკურნალო წიგნი, რომელიც ფაქტობრივად ვეტერინარიის რეცეპტურაა.
ძებნის ინსტრუქცია
კომპიუტერებისთვის
ერთდორულად კლავიატურაზე დააჭერირეთ კლავიშების კომბინაციას CTRL+F
სმართფონებისთვის
გახსენით მენიუ და აირჩიეთ პუნქტი "გვერდზე ძიება"
