გელაშვილი ლეონტი გრიგოლის ძე მღვდელი
გელაშვილი ლეონტი გრიგოლის ძე მღვდელი, 1879-193?წწ, მოღვწ. სოფ. საკირე, სოფ. საღოლაშენი, სოფ. ჭობისხევი, 1935წ. სოფ. ყვიბისი ბიოგრაფია 1916წ. დიაკონი ბორჯომი (სასაფლაო) წმიდა ოლღას ეკლესია 1910წ. დიაკონი, ბორჯომი წმ. იოანე ნათლისმცემლის ეკლესია 1904წ. მეფსალმუნე, საკირე (ბორჯომი) წმ. გიორგის ეკლესია. 1918წ. მღვდელი, ჭობიხევი (ბორჯომი) მაცხოვრის ფერიცვალობის ეკლესია 1917წ. საღოლაშენი (ქარელი) სამება/ღვთიმშობლის ეკლესია
ბორჯომის რაიონის სოფელ ყვიბისის ეკლესიის წინამძღვარი, მღვდელი ლეონტი გელაშვილი 1935 წლის 10 აგვისტოს უწმინდეს კალისტრატეს წერდა: „ვინაიდან ზოგიერთი სოფლის ხელისუფალი არა სცნობს ყოვლადსამღვდელო წილკნელის მანდატს და მაბრკოლებს წესების შესრულებას მორწმუნეთათვის, გთხოვთ, მიბოძოთ სათანადო მანდატი. მე მაბარია სოფლები: ყვიბისი, ბერის საყდრები, ვარდგინეთი, ზემო ბეშეთი, ქვემო ბეშეთი და კორტანეთი, და უმღვდლოდ დარჩენილი მასზედ მიწერილი სოფლები: გაღმა ახალდაბა, გამოღმა ახალდაბა, სადგური ახალდაბა, სავანის ხევი, გუგულიძეები, რიკაძეები, სათივე, სალმანაშვილის კარი, ჭაჭარაქი და ნეძვი“. კათოლიკოს-პატრიარქმა კალისტრატემ ამ საბუთსზედვე გაუკეთა მინაწერი: „მიეცეს მანდატი, ხოლო დაბრკოლებათა შესახებ მოხსენდეს მთავრობას“. ხელისუფლების წარმომადგენლები ყველა ხერხით ცდილობდნენ სამღვდელოებისთვისწირვა-ლოცვის ჩატარების უფლება არ მიეცათ. განსაკუთრებით ისეთ დიდ დღესასწაულებზე, როგორებიცაა ბრწყინვალე აღდგომა, შობა, მარიამობა, გიორგობა. ამ დროს ეკლესიებში დიდძალი მლოცველი იყრიდა თავს, რაც ულვთო ხელისუფლებას აღიზიანებდა. როდესაც ვერ ახერხებდნენ მსახურების ჩაშლას, პირდაპირ იერიშზე გადადიოდნენ და მოძღვრებს რამდენიმე დღით აპატიმრებდნენ. ასეთი შემთხვევები მრავლად არის დაფიქსირებული იმ წლებში.