მთავარხუცესი დეკანოზი ბესარიონ თოდუა
დეკანოზი ბესარიონ თოდუა დაიბადა სოფელ ოსინდალეში, სამღვდელო ოჯახში.
მამა _ მღვდელი სოფრომ თოდუა და მისი წინაპრები ღმრთისმსახურები იყვნენ, რომლებიც ოსინდალეს
წმ. გიორგის სახელობის მონასტერში მსახურობდნენ.
ბესარიონმა 1898 წელს დაამთავრა თბილისის სასულიერო სემინარია.
1899 წლიდან, სხვადასხვა დროს, მასწავლებლად მუშაობდა ნაფიჩხოვოს, ხეთის, თაიის ორკლასიან საეკლესიოსამრევლო სკოლებში.
დიაკვნად კურთხევის შემდგომ, 1904 წელს, მამა ბესარიონს თაიის წმ. გიორგის ეკლესიაში ხელი დაასხეს მღვდლად და ამავე
ტაძარში მოძღვრად განაწესეს. 1905 წელს დანიშნეს მოიდანახის ოლქის მთავარხუცესად, 1906 წლის 29 სექტემბერს გადაიყვანეს
ცაიშის ყოვლადწმინდა ღმრთისმშობლის მიძინების ტაძრის წინამძღვრად და კორცხელის ოლქის მთავარხუცესად. იგი, ამავდროულად,
ასწავლიდა ცაიშის სკოლაში. შემდგომში მღვდელი ბესარიონი დეკანოზის ხარისხში აიყვანეს.
ერთგული და კეთილსინდისიერი მსახურებისთვის მიღებული ჰქონდა ჯილდოები. ცაიშის ტაძრის „საკრებულო უწყებანის“
1908 წლის მონაცემებით დეკანოზ ბესარიონსა და ფოფოდია ეკატერინეს ჰყავდათ შვილები: დავითი _ სამი წლის და
ვალერიანე _ ერთის (12, გვ. 24; 20).
1918 წლის ცნობით, მამა ბესარიონი უკვე ქუთაისშია გადმოსული და აქ მესამე უმაღლესი სასწავლებლის პედაგოგად მუშაობდა.
მღვდელ სოფრომ დავითის ძე თოდუას ოჯახმა დედა ეკლესიასა და სამშობლოს ხუთი მღვდელმსახური: ბესარიო-
გვ266
ნი, აკაკი, ათანასე, სამსონი და თევდორე აღუზარდა.
ძმები აქტიურ საეკლესიო და საზოგადოებრივ საქმიანობას ეწეოდნენ.
ისინი XIX-XX სს-ის მიჯნაზე დასავლეთ საქართველოს ეკლესიებში მოღვაწეობდნენ.
ზაურ ჯალაღონია
