გურული გენერლები XVIII საუკუნიდან 1921 წლამდე ავტ. მამუკა გოგიტიძე

ნაკაშიძე ივანე ალექსანდრეს ძე (1848-1919) თავადი, გენერალ-მაიორი (1909); თავადი ალექსანდრე მათეს ძე ნაკაშიძის ვაჟი.

ბაქოს გუბერნიის გუბერნატორი მიხეილ ნაკაშიძის ძმა

თავადი ივანე ალექსანდრეს ძე ნაკაშიძემ საერთო განათლება შინ მიიღო.

წარმოშობით იყო ნაკაშიძეების თავადური საგვარეულოდან; 1867 წლიდან მიავლინეს მეფის კანვოის (ბადრაგის) კავკასიის ესკადრონში. რუსეთ-თურქეთის (1877-1878) წლების ომში, პლევნის აღებისას მეთაურობდა „მფრინავ“ სანიტარულ რაზმს.

1901 წლის 27 აპრილს მიენიჭა პოლკოვნიკის წოდება.

1909 წლის 6 მაისს მიენიჭა გენერალ-მაიორის სამხედრო წოდება.

1914 წლისთვის ირიცხებოდა საარმიო კავალერიაში. მსახურობდა წითელი ჯვრის უწყებაში, იყო წითელი ჯვრის რუსეთის საზოგადოების მთავარი სამმართველოს წევრი, დაჭრილ და დასხიჩრებულ სამხედრო პირთა შემწეობის გაცემის კომისიის წევრი ყველანაირად ეხმარებოდა

ქართველ სტუდენტობას. მისი წყალობით, მრავალმა მათგანმა შემდგომში მიიღო განათლება სანკტ-პეტერბურგის სამხედრო-სამედიცინო აკადემიაში და დაენიშნა სტიპენდია. ქართველ ახალგაზრდობას არაერთხელ საჯაროდ გამოუცხადებია მისთვის თავისი მადლიერება. 1917 წელს გადადგა სამხედრო სამსახურიდან ავადმყოფობის გამო.

საბრძოლო დამსახურებისათვის და სამსახურში წარჩინებისთვის დაჯილდოებული იყო: „წმ. სტანისლავის“ I (1913) ხარისხის ორდენებით; „წმ. ანას“ I (1917) ხარისხის ორდენებით;

„წმ. ვლადიმირის“ IV (მახვილებით და ბაფთით – 1877) და III (1911) ხარისხის ორდენით.

ივანე ნაკაშიძის გარდაცვალების და დაკრძალვის ადგილი უცნობია

Накашидзе Иван Александрович, князь  (04.01.1848 – 1917)
            генерал-майор с 06.05.1909
            генерал-лейтенант с 31.05.1917

https://nobility.pro/ru/statya/725-nakashidze-ivan-aleksandrovich.html