დაბადების ადგილი: სოფელი მუხურა, ტყიბულის რაიონი. 25 ნოემბერი, 1900 გარდაიცვალა 12 ივლისი, 1987

დაამთავრა ქუთაისის გიმნაზია 1920 წელს. 

1921 წლიდან მონაწილეობდა ქუთაისის რკინიგზელთას კლუბის დრამატული წრის სპექტაკლებში. 1928 წლიდან იყო ბათუმისა და ქუთაისის(ახლანდელი თბილისის კ. მარჯანიშვილის სახელობის სახელმწიფო აკადემიური დრამატული თეატრი) თეატრების მსახიობი. სხვადასხვა წლებში მუშაობდა თელავის, ქუთაისის, ხაშურისა და თბილისის მუსიკალური კომედიისა და სხვა თეატრებში. 1938 წლიდან იყო ქუთაისის ლ. მესხიშვილის სახელობის სახელმწიფო თეატრის მსახიობი. შესრულებული აქვს შემდეგი როლები: ყვარყვარე, მანუჩარი(პ.კაკაბაძის "ყვარყვარე თუთაბერი", "კოლმეურნის ქორწინება"),

ჯიბო კვანტრიშვილი, მოსე მწერალი(შ. დადიანის "გუშინდელნი",  "ნინოშვილის გურია"), კირკიტა(მ. ჯაფარიძის "ჟამთაბერის ასული"), ხარიტონ აბზიანიძე(გ. ბააზოვის "მუნჯები ალაპარაკდნენ"), სკრობოტი(მ. გორკის "მტრები"), შვაჩი(ბ. ლავრენიოვის "რღვევა") და სხვ. მონაწილეობდა ფილმებში: "დაკარგული სამოთხე"(იმერელი გლეხი), "საბუდარელი ჭაბუკი"(ფოსტალიონი), "ჩემი მეგობარი ნოდარი"(მეეტლე აფრასიონი).